Shraddhamanjari (Bapubhatta Kelakara) 6.1.7

6.1.7

tūṣṇīṃ pariṣicyetyādipātrālambhanāntaṃ kṛtvā pṛthivī te pātraṃ0 annāmṛṣmilloka ityabhimantrya, ato devā avantu no0 dhāmabhiḥ | viṣṇo
havyaṃ rakṣasveti viprāṅguṣṭhamanne niveśya savyapāṇinā pātramālabhya dakṣiṇena yavodakamādāya satyavasusaṃjñakebhyo viśvebhyo devebhya idamannamamṛtarūpaṃ pariviṣṭaṃ parivekṣyamāṇaṃ cā'' tṛpteḥ svāhā havyaṃ namo na mameti jalaṃ
kṣipet | evaṃ dvitīsyānnaṃ nivedayet | athobhayostantreṇa ye devāso0
juṣadhvam | ityupatiṣṭheta | evaṃ pitrye'pi devavat | tatra viśeṣaḥ-mātṛpitāmahīprapitāmahībhyo nāndīmukhābhya idamannamamṛtarūpaṃ0 pitṛpitāmahaprapitāmahebhyo nāndīmukhebhya idamanna0 mātāmahamātuḥpitāmahamātuḥprapitāmahebhyaḥ sapatnīkebhyo nāndīmukhebhya idamanna0 ityannaṃ nivedya nāndīmukhāḥ pitaraḥ prīyantāmityupatiṣṭheta | tataḥ sapraṇavavyāhṛtikāṃ sāvitrīṃ
japitvā brahmārpaṇaṃ0 samādhinā | harirdātā0 hariḥ | caturbhiśca0 datu
eko viṣṇu0 vyayaḥ | anena nāndīśrāddhe brāhmaṇabhojanena bhagavānnāndīmukhapitṛsvarūpī śrīparameśvaraḥ prīyatām | vṛddhirastu | āpośanārthamudakaṃ
dattvā prāṇāhutimantrānpaṭhet | viprāśca validānavarjamuktabhojananiyamayuktā bhuñjīyuḥ | kartā, apekṣitaṃ0 mānasaṃḥ | yathāsukhaṃ juṣadhvam | ityuktvā
savyāhṛtikāṃ gāyatrīṃ japtvā (pitvā) bhuñjānāñchakunisūktaṃ svastisūktaṃ pāvamānīḥ śaṃvatīraindrīrapratirathaṃ ca śrāvayet | na pitṛsūktam
śakunisūktaṃ kanikradadityādi | svastisūktaṃ svasti no mimītāmityādi
pāvamānyaḥ svādiṣṭhayetyādyāḥ | śaṃvatyaḥ śaṃ na indrāgnī ityādyāḥ