Shraddhamanjari (Bapubhatta Kelakara) 6.1.6

6.1.6

dadyāt | tataḥ pitṛvargārthānyarghyāṇi tadbrāhmaṇābhyāṃ pūrvavadekaikaṃ vigṛhya
vigṛhya dadyāt | tatra mantrāḥ—nāndīmukhāḥ pitara idaṃ vo'rghyam
nāndīmukhāḥ pitāmahā idaṃ vo'rghyam | nāndīmukhāḥ prapitāmahā idaṃ
vo'rghyam | tathaiva mātāmahavargārthāni tadbrāhmaṇābhyāṃ dadyāt | tatra
mantrāḥ—nāndīmukhāḥ sapatnīkā mātāmahā idaṃ vo'rghyam | nāndīmukhāḥ
sapatnīkā mātuḥpitāmahā idaṃ vo'rghyam | nāndīmukhāḥ sapatnīkā mātuḥ
prapitāmahā idaṃ vo'rghyam | tataḥ saṃsravānsamavanīya tābhiradbhiḥ putrakāmo
mukhamanakti | tato nāndīmukhebhyaḥ pitṛbhyaḥ sthānamasīti prathamapātraṃ
nidhāya tṛtīyapātreṇāpidadhyāt | tato vaiśvadevavadgandhādyupacārānpuṣpamālāśca dattvā'rcanavidheḥ saṃpūrṇatāṃ vācayitvā bhojanapātrasthāpanārthaṃ
sarvāṇi caturasrāṇi maṇḍalāni kṛtvā sayavāndarbhānprāsya bhojanapātrāṇi saṃsthāpya paṅktau devadvandvasmamaryādāṃ kṛtvā karaśuddhyādi vidhāya
ghṛtāktamannamādāya mātṛvargaprathamabrāhmaṇahaste darbhānantardhāyāvadānadharmeṇa
pāṇinā'vadāya, agnaye kavyavāhanāya svāhā | agnaye kavyavāhanāyedaṃ0
iti prathamāhutiṃ hutvā pūrvavadavadāya somāya pitṛmate svāhā | somāya
pitṛmata idaṃ0 iti dvitīyāṃ juhuyāt | evameva dvitīyādi sarveṣāṃ
pāṇiṣu juhuyāt | brāhmaṇāḥ svasvapāṇisthamannaṃ svasvapātre saṃsthāpya
bahirgatvā''camya yathāsthānamupaviśeyuḥ | kartā mūrdhānaṃ divo0 devāḥ
āmāsu0 t | iti bhojanapātrāṇyājyenostīryānnāni pariveṣya pitrye
hutaśeṣaṃ ca dattvā'nnanivedanaṃ kuryāt | devapātrasthamannaṃ sāvitryā'bhyukṣya