Tirthacintamani 10.p8

10.p8

tatraiva vāmanapurāṇe — pretarājo'tha vaṇijaṃ kañcidāha sumuktaye | gayāyāṃ tīrthajuṣṭāyāṃ jñātvā 'śaucasamanvitaḥ || mama nāma samuddiśya piṇḍanirvvapaṇaṃ kuru | tatra piṇḍapradānena pretabhāvādahaṃ sukham || muktastu sarvvadātṝṇāṃ prāptāmi śubhalokatām | ityevamuktvā vaṇijaṃ pretarājo'nujaiḥ saha || svanāmāni yathānyāyaṃ samyagākhyātavān rahaḥ | upārjjayitvā prayayau gayāśirasamuttamam || piṇḍanirvvapaṇaṃ tatra pretānāmanupūrvvaśaḥ | cakāra vasudāyaḥ svān pitṛ ṃścakre tvanantaram || ātmanaśca mahābuddhirmahābodhau tilairvinā | piṇḍanirvvapaṇaṃ cakre tathā'nyānapi 'gotrajān | evaṃ datteṣu piṇḍeṣu vaṇijā pretabhāvataḥ || vimuktāste dvija pretā brahmalokaṃ tato gatāḥ