Jayasimhakalpadruma 10.p10

10.p10

yattvayā tāta kartavyaṃ madvitārthaṃ mahāmate | kathayiṣyāmi tatsamyaktava śreyaskaraṃ mama | gayāyāṃ tīrthajuṣṭāyāṃ snātvā śaucasamanvitaḥ | mama nāma samuddiśya piṇḍanirvāpaṇaṃ kuru | tatra piṇḍapradānena pretabhāvādahaṃ sakhe | muktaḥ saṃnsarvadātṝṇāṃ yāsyāmi sahalokatām | yā ceyaṃ dvādaśī puṇyā māsi prauṣṭhapade sitā | madhuśravaṇasaṃyuktā sā te śreyaskarī smṛtā | ityevamuktvā tu vacaḥ pretarājo'nugaiḥ saha | svanābhāni yathānyāyaṃ samyagārukhyātavāñchuciḥ | pretaskandhaṃ samāropya tyājito marudhanvakama | ramye'tha śūrasenākhye deśe prāptaḥ sa vai vaṇik | sa karmadharmayogena dhanamuccāvacaṃ bahu | upārjayitvā prayayau gayātīrthamanuttamam | piṇḍanirvāpaṇaṃ tatra pretānāmanupūrvaśaḥ | cakārasvapitṝṇāṃca dāyādānāmantaram | ātmanaśca mahābuddhirmahābodhastilairvinā| piṇḍanirvāpaṇaṃ cakre tathānyeṣāṃ sagotriṇām | evaṃ pradatteṣvatha vai piṇḍeṣu pretabhāvataḥ | vimuktāste dvija pretā brahmalokaṃ tato gatāḥ | sa cāpi hi vaṇikaputro nijamālayamāvrajat | śravaṇadvādaśīṃ kṛtvā kāladharmamupeyivān | gandharvaloke suciraṃ bhogānbhuktvā sudurlabhān | mānuṣaṃ janma cāsādya sa babhau śākale virāṭ | svakarmadharmavṛttisthaḥ śravaṇadvādaśīrataḥ | kāladharmamavāpyāsau guhyakāvāsamāśrayat | tatroṣya suciraṃ kālaṃ bhogānbhuktvātha kāmataḥ | martyalokamatha prāpya rājanyatanayo'bhavat | tatrāpi kṣatravṛttistho dānabhogarato vaśī | gograhe'rigaṇāñjitvā kāladharmamupeyivān | śakralokaṃ ca duḥprāpaṃ devaiḥsarvaiḥ supūjitam | puṇyakṣayātparibhraṣṭaḥ śākale cābhavaddvijaḥ| tato vikaṭarūpo'sau sarvaśāstrārthapāragaḥ | vyavāhayaddvijasutāṃ rūpeṇānupamāṃ dvija | sā tu enaṃ ca bhartāraṃ suśīlamapi bhāminī| virūpamiti manvānā tataḥ so'bhūtsuduḥkhitaḥ| tato nirvedasaṃyukto gatvāśramapadaṃ mahat | airāvatyāstaṭe dhīmāṃścakradhāriṇamāsadat | tamārādhya jagannāthaṃ nakṣatraipuruṣeṇa hi | surūpatāmavāpyāgryāmasminneva ca janmani | tataḥ priyo'bhūdbhāryāyā bhogyai'tīvābhavadvaśī | śravaṇadvādaśīyuktaḥ pūrvābhyāsādajāyata | evaṃ purā'sau dvijapuṅgavastu kurūparūpo bhagavatprasādāt | anaṅgarūpapratimo babhūva mṛtaśca rājā sa purūravābhavat |' iti vīramitrodaye vāmanapurāṇoktaṃ śravaṇadvādaśīvratam | athodyāpanam | 'upoṣito naro bhaktyā sthāpayetpratimāyataḥ | kṛtvā sauvarṇikaṃ devaṃ vāmanaṃ tamathāvyayam | gandhaiḥ puṣpaistathā dhūpairnaivedyairvividhairapi | tatastasya