Tirthacintamani 11.p6

11.p6

ābrahmastambaparyyantamityādinā satilāñjalidānarūpaṃ pūrvvavadāvāhanaṃ kṛtvā— oṃ pitā pitāmahaścaiva tathaiva prapitāmahaḥ | mātā pitāmahī caiva tathaiva prapitāmahī || mātāmahastatpitā ca pramātāmahakādayaḥ | teṣāṃ piṇḍo mayā datto hyakṣayyamupatiṣṭhatām || iti paurāṇikaṃ mantramuccāryya tila-ghṛta-dadhi-madhu-jalayutaṃ muṣṭimitaśaktukṛtaṃ militebhyo dvādaśabhya ekaṃ piṇḍaṃ dadyāt | tataḥ ṣoḍaśīkarmma tadyathā-unaviṃśati'piṇḍasthānāni yathādakṣiṇa kṛtāni pratyekaṃ yathādakṣiṇaṃ pañcagavyairālipya teṣu pūrvvavaddakṣiṇāgraṃ kuśatrayaṃ dhṛtvā— oṃ asmatkule mṛtā ye ca gatiryeṣāṃ na vidyate | āvāhayiṣye tān sarvvān darbhapṛṣṭhe2 tilodakaiḥ | oṃ mātāmahakule ye ca gatiryeṣāṃ na vidyate | āvāhayiṣye tān sarvvān darbhapṛṣṭhe2 tilodakaiḥ || oṃ bandhuvargakule ye ca gatiryeṣāṃ na vidyate | āvāhayiṣye tān sarvvān darbhapṛṣṭhe2 tilodakaiḥ || iti paurāṇikamantrairāstṛtadarbheṣu tānāvāhya gandhādibhirabhyarcca (yadi devatāāyade ṣoḍaśī kriyate tadā taddevatāmantreṇa tāmapi sampūjya ) oṃ ābrahmastambaparyyantamityādiślokābhyāṃ pūrvva-