Tirthacintamani 11.p7

11.p7

vadekavāraṃ tatra tilodakāñjalidānaṃ kṛtvā mūlāditaḥ piṇḍān dadyāt | tatra kramaḥ,— oṃ asmatkule mṛtā ye ca gatiryeṣāṃ na vidyate | teṣāmuddharaṇārthāya imaṃ piṇḍaṃ dadāmyaham || (1) oṃ mātāmahakule ye ca gatiryeṣāṃ na vidyate | teṣāmuddharaṇārthāya imaṃ piṇḍaṃ dadāmyaham || (2) oṃ bandhuvargakule ye ca gatiryeṣāṃ na vidyate | teṣāmuddharaṇārthāya imaṃ piṇḍaṃ dadāmyaham || (3) oṃ ajātadantā ye kecid ye ca garbhe prapīḍitāḥ | teṣāmuddharaṇārthāya imaṃ piṇḍaṃ dadāmyaham || (4) oṃ agnidagdhāśca ye kecidagnidagdhāstathāpare | vidyuccaurahatā ye ca tebhyaḥ piṇḍaṃ dadāmyaham || (5) dāvadāhe mṛtā ye ca siṃhavyāghrahatāśca ye | daṃṣṭribhiḥ śṛṅgibhirvāpi tebhyaḥ piṇḍaṃ dadāmyaham || (6) udbandhanamṛtā ye ca viṣaśastrahatāśca ye | ātmano ghātino' ye ca tebhyaḥ piṇḍaṃ dadāmyaham || (7) araṇye vartmani vane kṣudhayā tṛṣayā hatāḥ | bhūtapretapiśācāśca tebhyaḥ piṇḍaṃ dadāmyaham || (8) raurave cāndhatāmisre kālasūtre ca ye mṛtāḥ | teṣāmuddharaṇārthāya imaṃ piṇḍaṃ dadāmyaham || (9)