Tirthacintamani 11.p8

11.p8

anekayātanāsaṃsthāḥ pretalokañca¹ ye gatāḥ | teṣāmuddharaṇārthāya imaṃ piṇḍaṃ dadāmyaham || (10) anekayātanāsaṃsthā ye nītā yamakiṅkaraiḥ | teṣāmuddharaṇārthāya imaṃ piṇḍaṃ dadāmyaham || (11) narakeṣu samasteṣu yātanāsu ca ye sthitāḥ | teṣāmuddharaṇārthāya imaṃ piṇḍaṃ dadāmyaham || (12) paśuyonigatā ye ca pakṣikīṭasarīsṛpāḥ | athavā ²vṛkṣayonisyāstebhyaḥ piṇḍaṃ dadāmyaham || (13) jātyantarasahasreṣu bhramantaḥ svena karmaṇā | mānuṣyaṃ durllabhaṃ yeṣāṃ tebhyaḥ piṇḍaṃ dadāmyaham || (14) divyantarīkṣabhūmiṣṭhāḥ pitaro bāndhavādayaḥ | asaṃskṛtamṛtā³ ye ca tebhyaḥ piṇḍaṃ dadāmyaham || (15) ye kecit pretarūpeṇa varttante pitaro mama | te sarvve tṛptimāyāntu piṇḍadānena sarvvadā || (16) ye'bāndhavā bāndhavā ye ye'nyajanmani bāndhavāḥ | teṣāṃ piṇḍo mayā datto⁴'kṣayyamupatiṣṭhatām || (17) pitṛvaṃśe mṛtā ye ca mātṛvaṃśe ca ye mṛtāḥ | guru·śvaśura-bandhūnāṃ ye cānye bāndhavā mṛtāḥ