Tirthacintamani 4.p11

4.p11

śvetākhyaṃ bhuvanaṃ yānti niṣkāmāsteva mānavāḥ || ataścainamaśaknomi1 vyāpāramarisūdana | prasīda sumahādeva saṃhara pratimāṃ prabho || śrutvā vaivasvatasyaitadvākyametaduvāca ha2 | yama tāṃ gopayiṣyāmi sikatābhiḥ samantataḥ || tataḥ sā pratimā devi valmibhirgopitā mayā | tayā tatra na paśyanti manujāḥ svargakāṅkṣiṇaḥ || pracchādya valmikairdevi jātarūpaparicchadaiḥ | yamaṃ prasthāpayāmāsa svāṃ purīṃ dakṣiṇāṃ diśam || 3brahmovāca— guptāyāṃ pratimāyāntu indranīlasya vai tadā | tasmin kṣetravare puṇye vikhyāte puruṣottame || yat kṛtaṃ tatra vṛttāntaṃ devadevo janārddanaḥ | tat sarvvaṃ kathayāmāsa tasmai sa bhagavān purā || indradyumnasya gamanaṃ kṣetrasandarśanantathā | kṣetrasya varṇanañcaiva vṛṣṭiṃ tasya ca bho dvijāḥ || darśanaṃ baladevasya kṛṣṇasya ca viśeṣataḥ | subhadrāyāśca tatraiva māhātmyaṃ caiva sarvvaśaḥ || darśanaṃ narasiṃhasya vṛṣṭisaṃkīrttanaṃ tathā