Tirthacintamani 4.p146

4.p146

kṛtvā'vadhāraṇaṃ paścāt jāgaraṃ kārayenniśi | kathāśca vāsudevasya tadgītiñcāpi kārayet || dhyāyan paṭhan1 stuvan devaṃ gamayedrajanīṃ budhaḥ || tataḥ prabhāte vimale dvādaśyāṃ dvādaśaiva tu | nimantrayet kṛtasnānān brāhmaṇān vedapāragān || itihāsa-purāṇajñān śrotriyān saṃyatendriyān | snātvā samyagvidhānena dhautavāsā jitendriyaḥ || strāpayet pūrvvavadbhavatyā tatrasthaṃ puruṣottamam | gandhaiḥ puṣpairuparārairnaivedyairdīpikaistathā || upahārairbahuvidhaiḥ praṇipātaiḥ pradakṣiṇaiḥ | japya3-stuti-namaskārairgītavādyairmanoharaiḥ || sampūjyaivaṃ jagannāthaṃ brāhmaṇān pūjayettataḥ | dvādaśaiva tu gāstebhyo dattvā kanakameva ca || chatropānadyugañcaiva śraddhābhaktipuraḥsaraḥ4 | bhaktyā tu sadhanaṃ tebhyo dadyādvastrādikaṃ dvijaḥ || sadbhāvena tu govindastu(sto)ṣyate pūjito yataḥ | ācāryyāya tato dadyād gāṃ vastraṃ kanakaṃ tathā || chatropānadyugañcāpi kāṃsyapātrañca bhaktitaḥ | tatastān bhojayedviprān bhojyaṃ pāyasapūrvvakam