Tirthacintamani 4.p147

4.p147

pakkānnaṃ bhakṣya-bhojyañca saguḍaṃ śarkarā'nvitam | tatastānannahṛṣṭāṃśca brāhmaṇān svasthamānasān || dvādaśaivodakumbhāṃśca dadyādbhaktyā samodakān | dakṣiṇāñca yathāśaktyā dadyāttebhyo vimatsaraḥ || kumbhañca dakṣiṇāñcaiva ācāryāya nivedayet | evaṃ sampūjya tān viprān guruṃ jñānapradāyakam || pūjayet parayā bhaktyā viṣṇutulyaṃ dvijottamāḥ | suvarṇa-vastra-go-dhānyairdravyaiścānyairvaraṃ budhaḥ || sampūjya taṃ namaskṛtya imaṃ mantramudīrayet | sarvvavyāpī jagannāthaḥ śaṅkhacakragadādharaḥ || anādinidhano devaḥ prīyatāṃ parameśvaraḥ | ityuccāryya tato viprāṃstriḥ kṛtvā ca pradakṣiṇam | praṇamya śirasā bhaktyā ācāryyantu visarjayet || tatastān brāhmaṇān bhaktyā cā''sīmāntamanuvrajet | anuvrajya ca tān sarvvān namaskṛtya nivedayet || bāndhavaiḥ svajanairyuktastato bhuñjīta vāgyataḥ | 1anyaiścopārjjitairdīnairbhikṣukaiścārthakāṅkṣibhiḥ || evaṃ kṛtvā naraḥ samyaṅnārī vā labhate phalam | aśvamedhasahasrāṇāṃ rājasūyaśatasya ca || atītaṃ śatamādāya puruṣāṇāṃ narottamaḥ