Tirthacintamani 4.p148

4.p148

bhaviṣyañca śataṃ viprāḥ svakulyān 1 divyarūpadhṛk | sarvvalakṣaṇasampannaḥ sarvvālaṅkārabhūṣitaḥ || sarvvakāmasamṛddhātmā devavadvigatajvaraḥ | rūpayauvanasampanno guṇaiḥ sarvvairalaṅkṛtaḥ || stūyamāno'psarobhiśca gandharvvaiḥ samalaṅkṛtaḥ | vimānenārkavarṇena kāmagena sthireṇa ca || patākā-dhvajayuktena sarvvaratnairalaṅkṛtaḥ | uddyotayan diśaḥ sarvvāsvākāśe vigataklamaḥ || yuvā mahābalo dhīmān viṣṇulokaṃ sa gacchati | tatra kalpaśataṃ yāvat bhuktvā bhogān yathepsitān || gandharvvāpsarasaiḥ siddhaiḥ sura-vidyādharoragaiḥ | stūyamāno munivaraistiṣṭhate vigatajvaraḥ || yathā devo jagannāthaḥ śaṅkha-cakra-gadādharaḥ | tathā'sau mudito viprāḥ kṛtvā rūpaṃ caturbhujam || bhuktvā tatra varān bhogān krīr̤itvā cāpsaraiḥ saha | tadante brahmasadanamāyāti sarvvakāmadam || siddha-vidyādharaiścāpi śobhitaṃ sura-kinnaraiḥ | kālaṃ navatikalpantu tatra bhuktvā sukhaṃ naraḥ || tasmādāyāti viprendrāḥ sarvvakāmaphalapradam | rudralokaṃ suragaṇaiḥ sevitaṃ 2saukhya-mokṣadam