Tirthacintamani 4.p51

4.p51

gatvā tatra 1japettatvaṃ narasiṃhaṃ tamavyayam | tataḥstrīṇāṃ sahasrāṇi vīṇācāmarakambiṇām || nirgacchanti puro viprāḥ svāgataṃ tā vadanti ca | praveśayanti taṃ haste gṛhītvā sādhakeśvaram | tato rasāyanaṃ divyaṃ pāyayanti dvijottamāḥ || pītamātre divyadeho jāyate sumahābalaḥ | krīr̤ate divyakanyābhiryāvadāhūtasaṃplavam || bhinnadeho vāsudeve līyate nātra saṃśayaḥ | yathā na rocayedvāsaṃ tathā nirgacchate punaḥ || paṭṭaṃ śūlañca khaṅgañca rocanāñca maṇittathā | rasaṃ rasāyanañcaiva pādukāñjanameva ca || kṛṣṇājinaṃ muniśreṣṭhāḥ 2guṇḍikāñca manaḥśilām | kamaṇḍaluñcākṣasūtraṃ ṣaṣṭhīṃ 3 sañjīvanīntathā || siddhavidyāśca śāstrāṇi gṛhītvā sādhakottamaḥ | jvaladvisphuliṅgormiveṣṭitaṃ triśikhaṃ hṛdi || sakṛnyastaṃ dahet sarvvaṃ vṛjinaṃ janmakoṭijam | viṣe nyastaṃ viṣaṃ hanyāt kuṣṭhaṃ hanyāttanau sthitam || svadehe bhrūṇahatyādi kṛtvā divyena śudhyati | mahāgrahagṛhīteṣu jvalamānaṃ vicintayet