Tirthacintamani 4.p59

4.p59

kāle punarihāyāto rājā syāt pṛthivītale | matsyamādhavamāsādya durādharṣo bhavennaraḥ || dātā bhoktā bhavedyajvā vaiṣṇavaḥ satyasaṅgaraḥ | yogaṃ prāpya hareḥ paścāt tato mokṣamavāpnuyāt || matsyamādhavamāhātmyaṃ mayā samparikīrttitam | yaṃ dṛṣṭvā muniśārdūlāḥ sarvvān kāmānavāpnuyāt || tatraiva—brahmapurāṇe munaya ūcuḥ | bhagavan śrotumicchāmo mārjjanaṃ varuṇālaye | kriyate snānadānādi tasyāśeṣaphalaṃ vada || brahmovāca | śṛṇudhvaṃ muniśārdūlā mārjjanañca yathāvidhi | bhaktyā tu tanmanā bhūtvā purāṇaṃ puṇyamuktidam || mārkaṇḍeyahrade snānaṃ sarvvakālaṃ praśasyate | caturddaśyāṃ viśeṣeṇa sarvvapāpapraṇāśanam || tadvat snānaṃ samudrasya sarvvakālaṃ praśasyate | paurṇamāsyāṃ viśeṣeṇa hayamedhaphalaṃ labhet || mārkaṇḍeyaṃ vaṭaṃ kṛṣṇaṃ rauhiṇeyaṃ mahodadhim | indradyumnasaraścaiva pañcatīrthīvidhiḥ smṛtaḥ || ekā yātrā ayamatra prayogaḥ | [ oṃ adya jyeṣṭhaśukladvādaśyāṃ viṣṇulokaprāptipūrvvaka-tadapracyavanakāmaḥ puruṣottamadarśanamahaṃ kariṣye | yadvā— jyaiṣṭhaśuklaikādaśyāṃ kṛtopavāso dvādaśyāmudite ravau–]1 oṃ adya jyaiṣṭhaśukladvādaśyāṃ kurukṣetrādhikaraṇakanirāhārajitendriyajitakrodhakartṛkasaptasaṃvatsarāryutāvacchinnaikapādatapaśvararaṇa-janyaphalādhikaphalaprāptikāmaḥ sopavāsaḥ puruṣottamadarśanamahaṃ kariṣye | yadvā pañcatīrthī-vidhinā paśyet | tadyathā– pūrvvavat sopavāso mārkaṇḍeyasaro gaṃtva kṛtsnānādiḥ kuśatila-jalānyādāya– oṃ adya daśāśvamedhajanya2phalasamaphalaprāptisarvvapāpavinirmukti-śivalokagamana-tadadhikaraṇakayāvadāhūtasaṃplavavarabahubhogopabhogapūrvvakailailokādhikaraṇakabadduśrutabrāhmaṇatvabhavanataduttaraśāṅkarayogaprāptipūrvvakamokṣāvāptikāmo mārkaṇḍeyahradasnānapūrvvakamārkaṇḍeyeśvaradarśanamahaṃ kariṣye | iti saṅkalpaḥ | tatra svaśākhoktavidhinā tadajñāne sādhāraṇa paurākhikavidhinā snāyāt | tato nairantaryeṇaiva— oṃ saṃsārasāgare magnaṃ pāpagrastamacetanam | trāhi māṃ 3bhagavannatra tripurāre namo'stu te || namaḥ śivāya śāntāya sarvvapāpaharāya ca | snānaṃ karomi deveśa mama naśyatu pātakam || iti mantreṇa tatrodaṅmukhastrirmajjet