Tirthacintamani 4.p60

4.p60

tato nābhimātre jale yavādbhirdevādīn satilādbhiḥ pitrādīṃstarpayitvā uttīryya dhaute vāsasī paridhāya, mṛdvāribhyām ūrūjaṅge ca prakṣālyācamya śivālayaṃ praviśya, śivaṃ pradakṣiṇīkṛtya —“oṃ namaḥ śivāya” iti mūlamantreṇa triḥsampūjya pañcopacārān kṛtvā praṇipatya — oṃ trilocana namaste'stu namaste śaśibhūṣaṇa | trāhi māṃ tvaṃ virūpākṣa mahādeva namo'stu te || iti paṭhitvā prasādya —“bhagavan mārkaṇḍeyeśvara kṣamasva” iti visarjayet | tato'kṣayavaṭaṃ gatvā — oṃ adya pāpakṣayakāmo'kṣayavaṭapradakṣiṇatrayapūrvvakanamaskāramahaṃ kariṣye || iti saṅkalpya taṃ triḥ pradakṣiṇīkṛtya praṇamet | tataḥ pūrvvavatsaṅkalpātkṣayavaṭaṃ bhaktyā pūjayet || tatra pūjāmantraḥ — oṃ namo'vyaktarūpāya mahāpralayakāriṇe | mahadrūṣopaviṣṭāya nyagrodhāya namo'stu te || amarastvaṃ sadā kalpe hareścāyatanaṃ vaṭa | nyagrodha hara me pāpaṃ kalpavṛkṣa namo'stu te || tataḥ oṃ adya brahmahatyādipāpakṣayakāmo'kṣayavaṭacchāyākramaṇamahaṃ kariṣye | iti saṅkalpya tasya chāyāyāṃ kṣaṇaṃ tiṣṭhet | tataḥ —oṃ adya rājasūyāśvamedhayajñajanyaphalādhikaphalaprāpti-