Tirthacintamani 4.p7

4.p7

ālokya sarvvatīrthāni kṣetrāṇyāyatanāni ca1 || tāni sarvvāṇi sañcintya jagāma manasā punaḥ | vikhyātaṃ paramaṃ kṣetraṃ muktidaṃ puruṣottamam || sa gatvā nṛpatistatra samṛddhabalavāhanaḥ | ayajaccāśvamedhena vidhivadbhūridakṣiṇaḥ2 || kārayitvā mahotsedhaṃ prāsādaṃ 3bhuvi viśrutam | tatra saṅkarṣaṇaṃ kṛṣṇaṃ subhadrāṃ sthāpya vīryyavān || pañcatīrthañca vidhivat kṛtvā tatra mahīpatiḥ | snānaṃ dānaṃ japaṃ homaṃ devatāprokṣaṇaṃ tathā || bhaktyā cārādhya vidhivat pratyahaṃ puruṣottamam | prasādvāddevadevasya tato mokṣamavāptavān || ṛṣaya ūcuḥ— tasmin kṣetravare ramye vaiṣṇave puruṣottame | kinnaca pratimā pūrvvaṃ na sthitā vaiṣṇavī prabho ! || yenāsau nṛpatistatra gatvā sabalavāhanaḥ | sthāpayāmāsa kṛṣṇañca rāmaṃ bhadrāṃ śubhapradām || saṃśayo no mahāṃstatra vismayaśca jagatpate | śrotumicchāmahe sarvve brūhi tat kāraṇañca yat || brahmovāca— śṛṇudhvaṃ pūrvvasaṃvṛttāṃ kathāṃ pāpapraṇāśinīm