Tirthacintamani 4.p73

4.p73

sthūlaṃ sūkṣmaṃ parañcaiva sarvvaṃ nārāyaṇātmakam | śabdādyā viṣayāḥ sarvve śrotrādīnīndriyāṇi ca || prakṛtiḥ puruṣaścaiva sarvve nārāyaṇātmakāḥ | jale sthale ca pātāle dikṣu nāge'mbare nage || avaṣṭabhya idaṃ sarvvamāste' nārāyaṇaḥ prabhuḥ | kiñcātra bahunoktena jagadetaccarācaram || brahmādistambaparyyantaṃ sarvvaṃ nārāyaṇātmakam | nārāyaṇāt paraṃ kiñcit neha paśyāmi bho dvijāḥ || tena vyāptamidaṃ sarvvaṃ dṛśyamānaṃ carācaram | āpo hyāyatanaṃ viṣṇoḥ sa ca evāmbhasāṃ patiḥ || tasmādapsu smarennityaṃ nārāyaṇamaghāpaham | snānakāle viśeṣeṇa copasthāya paraṃ śuciḥ || smarennārāyaṇaṃ dhyāyet haste kāye ca vinyaset | oṃkārañca nakārañca yatkiñcijjīvasaṃjñakam || aṅguṣṭhe haste pāde ca śikhāyāṃ śirasi nyaset | śeṣairhastatalairyāvat tarjvanyādiṣu vinyaset || oṃkāraṃ vāmapāde tu nakāraṃ dakṣiṇe nyaset | mokāraṃ vāmakaṭyāntu nākāraṃ dakṣiṇe tathā