Tirthacintamani 4.p74

4.p74

rākāraṃ nābhideśe tu yakāraṃ vāmabāhuke | ṣākāraṃ dakṣiṇe nyasya yakāraṃ mūrdhni vinyaset || adhasyorddhañca hṛdaye pārśvataḥ pṛṣṭhato'grataḥ | dhyātvā nārāyaṇaṃ paścādārabhet kavacaṃ budhaḥ || pūrve māṃ pātu govindo dakṣiṇe madhusūdanaḥ | paścime śrīdharo devaḥ keśavastu tathottare || pātu viṣṇustathāgneye nairṛte mādhavo'vyayaḥ | vāyavye tu hṛṣīkeśastatheśāne ca mādhavaḥ || bhūtale pātu vārāhastathorddhañca trivikramaḥ | kṛtvaivaṃ kavacaṃ paścāt ātmānaṃ cintayet budhaḥ || ahaṃ nārāyaṇo devaḥ śaṅkha-cakra-gadādharaḥ | evaṃ dhyātvā tadātmānamimaṃ mantramudīrayet || tvamagnihiṃpadāṃ¹ nātha retodhāḥ kāmadīpanaḥ | pradhānaḥ sarvvabhūtānāṃ jīvānāṃ prabhuravyayaḥ || amṛtasyāraṇikhaṃ hi devayonirapāṃpate | vṛjinaṃ hara me ²sarvvaṃ tīrtharāja namo'stu te || evamuccāryya vidhivat tataḥ snānaṃ samācaret | anyathā bho dvijaśreṣṭhāḥ snānaṃ tatra na śasyate || kṛtvā ³cābdaivatairmantrairabhiṣekañca mārjjanam | antarjale japet paścāt trirāvṛtyā'ghamarṣaṇam