Tirthacintamani 4.p75

4.p75

hayamedho yathā viprāḥ sarvvapāpaharaḥ kratuḥ | tathāghamarṣaṇañcāta sūktaṃ sarvvāghanāśanam || uttīryya vāsaso dhaute nirṇiṅkte paridhāya vai | prāṇānāyamya cācamya sandhyāñcopāsya bhāskaram || upatiṣṭhettataścorddhaṃ kṣipvā puṣpajalāñjalim | upasthāyorddhabāhuśca talliṅgerbhāskaraṃ tataḥ || gāyatrīṃ pāvanīṃ devīṃ japedaṣṭottaraṃ śatam | anyāṃśca sauramantrāṃśca japtvā tiṣṭhan samāhitaḥ || kṛtvā pradakṣiṇaṃ sūryyaṃ namaskṛtyopaviśya ca | svādhyāyaṃ prāṅmukhaḥ kṛtvā tarpayeddevatāṛṣīn || manuṣyāṃśca pitṝṃścānyānnāmagotreṇa mantravit | toyena tilamiśreṇa tarpayet susamāhitaḥ || tarpaṇaṃ devatānāntu pūrvvaṃ kṛtvā samāhitaḥ | adhikārī bhavet paścāt pitṝṇāṃ tarpaṇe dvijāḥ || śrāddhe havanakāle ca pāṇinekena 'nirvvapet | tarpaṇe 'tritayaṃ kuryyādeṣa eva vidhiḥ sadā || anvārabdhena savyena pāṇinā dakṣiṇena tu | tṛpyatāmiti vaktavyaṃ nāmagotreṇa vāgyataiḥ || kāyasthairyastilairmohāt karoti pitṛtarpaṇam | tarpitāstena pitarastvaṅmāṃsarudhirāsthibhiḥ