Tirthacintamani 4.p76

4.p76

śaṅkhenairna tilaiḥ kuryyāddevatā-pitṛtarpaṇam | rudhiraṃ tadbhavettoyaṃ pradātā kilviṣī bhavet || bhūmyāṃ yaddīyate toyaṃ dātā caiva jale sthitaḥ | vṛthā tanmuniśārdūla nopatiṣṭhati kasyacit || sthale sthitvā jale yastu prayacchedudakaṃ naraḥ | nopatiṣṭhet pitṝṇāntu salilaṃ tannirarthakam || udake nodakaṃ kuryyāt pitṛbhyaśca kadācana | uttīryya tu śucau deśe kuryyādudakatarpaṇam || nodakeṣu na pātreṣu na kruddho naikapāṇinā | nopatiṣṭhati tattoyaṃ yadbhūbhyāṃ na pradīyate || pitṝṇāmakṣayaṃ sthānaṃ mahī dattā mayā dvijāḥ | tasmāttatraiva dātavyaṃ pitṝṇāṃ prītimicchatā || bhūmipṛṣṭhe samutpannā bhūmyāṃ caiva tu saṃsthitāḥ | bhūmyāṃ caiva layaṃ yātā bhūmau dadyāttato jalam || āstīryya ca kuśān sāgrān tānāvāhya ca mantrataḥ | prācīnāgreṣu vai devān yāmyogreṣu tathā pitṝn || devān pitṝn tathā cānyān santarpyācamya vāgyataḥ | hastamātraṃ catuṣkoṇaṃ caturdvāraṃ suśobhanam || puraṃ pralikhya bho viprāstīre tasya mahodadheḥ | madhye tatra likhet padmamaṣṭapatraṃ sakarṇikam