Tirthakanda 1.p29

Tīrthakāṇḍa 1.p29

Language: Sanskrit

1.p29

tīrtheṣu brāhmaṇaṃ naiva parīkṣeta kathañcana | ¹annārthinamanuprāptaṃ bhojyaṃ taṃ manurabravīt || saktubhiḥ² piṇḍadānañca saṃyāvaiḥ³ pāyasena tu | kartavyamṛṣibhiḥ proktameṣākena⁴ guḍena ca || tilapiṇyākaṃ deyaṃ tu bhaktimadbhirnaraiḥ sadā | śrāddhaṃ tatra tu kartavya⁵manvāvāhanavarjitam⁶ || ⁷śvadhvāṅkṣagṛdhrakākānāṃ naiva dṛṣṭihataṃ ca yat | śrāddhaṃ tattairthikaṃ proktaṃ pitṝṇāṃ tuṣṭikārakam⁸ || akāle'pyathavā kāle tīrthe śrāddhaṃ tathā naraiḥ | prāptaireva sadā kāryaṃ kartavyaṃ pitṛtarpaṇam || ⁹piṇḍaṃ dānaṃ tu tacchastaṃ pitṝṇāṃ cātivallabham¹⁰ | vilambo naiva kartavyo naiva vighnaṃ samācaret

Previous: 1.p28
Next: 1.p30
Up: 1

Linked texts (2)

Tīrthacintāmaṇi — Vācaspatimiśra, Sanskrit
Tīrthaprakāśa — Mitramiśra, Sanskrit