Tirthaprakasha 4.p134

4.p134

kaurmye, hatvā gajākṛtiṃ daityaṃ śūlenāvajñayā haraḥ | vāsastasyākarotkṛttiṃ kṛttivāseśvarastataḥ || tathā, janmāntarasahasreṇa mokṣo'nyatrāpyate na vā | ekena janmanā mokṣaḥ kṛttivāse'tra labhyate || laiṅge, rudrāṇāṃ ca śarīraṃ tu madhyaneśvaramīritam | kṛttivāsaḥ śiraḥ prāhuretat priyatamaṃ mama || tathā, paścimābhimukhaścāhaṃ tasminnāyatane sthitaḥ | tathā, kṛttivāseśvaraṃ devaṃ ye namanti śubhārthinaḥ | te rudrasya śarīre tu praviṣṭā apunarbhavāḥ || anenaiva śarīreṇa prāptā nirvāṇamuttamam | tathā, kṛttivāseśvaro devo draṣṭavyaśca punaḥ punaḥ | yadīcchettārakaṃ brahma śāśvataṃ cāmṛtapradam || tathā, darśanādevadevasya brahmahāpi pramucyate | darśane pūjane caiva sarvayajñaphalaṃ labhet || śraddhayā parayā devaṃ ye'rcayanti sanātanam