Tirthaprakasha 4.p187.4

4.p187.4

itivacanavirodhasya tvayā'pi duṣpariharatvāt | atha yātanāntaśarīre'pi prāṇotkrameṇa mumūrṣutvasambhavānnānupapattistarhi maraṇottaropāttaviśiṣṭaśarīrasyāpi mumūrṣutvādisambhavānnānupapattiriti śraddadhīthāḥ | ata eva cāṇḍālādīnāmadhikāre na kaṣṭakalpanāpi prāguktetyavadheyam | śūdrasya vedaśravaṇaniṣedhaḥ smaryate ca-“athāsya vedamupaśṛṇvatastrapujatubhyāṃ śrotraprapūraṇam” iti-“padyuṃ ha vā etacchmaśānaṃ yacchūdrastasmācchūdrasamīpe nādhyetavyam” iti | atha niṣedha etadatiriktapara iti cet, na ! asaṅkocenoktarītyopapattau saṅkocakalpanāyā anyāyyatvāt | nanu kāśīmaraṇenāntaḥkaraṇaśuddhidvārā tattvajñānamutpādyata iti na yuktaṃ śuddhāntaḥkaraṇānāmeva kāśīmaraṇasambhavāt | taduktambrāhme, anekajanmasaṃsiddhān varjayitvā mahāmunīn | nānyeṣāṃ maraṇaṃ tatra yacchatyanyo vibhīṣaṇāt || iti, maivam | anekajanmakṛtakarmaṇā kāśīmaraṇapratibandhakādharmanirāse sati kāśīmaraṇamutpadyate iti tadāśayāt | kāśīma-