Tirthaprakasha 4.p254
Tīrthaprakāśa 4.p254
- Language
- Sanskrit
4.p254
piṇḍadānaṃ labhyate | tathāpi pretaparvatātiriktasakalatīrthakṛtyānāṃ pretaśilākṛtyapūrvakatvaṃ darśayituṃ pretaśilādāvityuktam | tathā ca dvitīyadine pretaparvatakṛtyānantarameva pretaśilākṛtyam | anyathā tatpūrvakasya tṛtīyadinakṛtyasyānupapatteḥ | etena prathamadina eva pretaśilākṛtyamitimiśramatamanādaraṇīyam | kuśairityādi | dakṣiṇādānāntaṃ pārvaṇaṃ kṛtvā tadvedikṣiṇata upaviśya kṛtāpasavyo dakṣiṇāmukhaḥ kuśatrayaṃ dhṛtvā “oṃkavyavālo nalaḥ soma” ityādi “śāśvatīm” ityantaṃ pūrvalikhitamantraṃ paṭhitvā sakṛttilodakāñjalidānarūpamāvāhanaṃ kuryāt | tata etāni pādyādīni oṃpitrādibhyo namaitikrameṇapañcopacāreṇa pitrādīn sampūjya