Tirthaprakasha 4.p273

4.p273

oṃ asmatkule mṛtā ye ca gatiryeṣāṃ na vidyate | āvāhayiṣye tān sarvān darbhapṛṣṭhe tilodakaiḥ || oṃmātāmahakule ye ca gatiryeṣāṃ na vidyate | āvāhayiṣye tān sarvān darbhapṛṣṭhe tilodakaiḥ || oṃbandhuvargakule ye ca gatiryeṣāṃ na vidyate | āvāhayiṣye tān sarvān darbhapṛṣṭhe tilodakaiḥ || ityetaistilodakairāvāhya oṃ ābrahmastambaparyantaṃ devarṣipitṛmānavāḥ | tṛpyantu pitaraḥ sarve mātṛmātāmahādayaḥ || atītakulakoṭīnāṃ saptadvīpanivāsinām | ābrahmabhuvanāṃlokānidamastu tilodakam || ityābhyāṃ satilodakāñjaliṃ dadyāt | tato mūlāditaḥ pitṛtīrthena piṇḍān dadyāt | tatra kramaḥoṃ asmatkule mṛtā ye ca gatiryeṣāṃ na vidyate | teṣāmuddharaṇārthāya imaṃ piṇḍaṃ dadāmyaham || 1 || oṃ mātāmahakule ye ca gatiryeṣāṃ na vidyate | teṣāmuddharaṇārthāya imaṃ piṇḍaṃ dadāmyaham || 2 || oṃ bandhuvargakule ye ca gatiryeṣāṃ na vidyate | teṣāmuddharaṇārthāya imaṃ piṇḍaṃ dadāmyaham || 3 || ajātadantā ye kecidye ca garbhe prapīḍitāḥ | teṣāmuddharaṇārthāya imaṃ piṇḍaṃ dadāmyaham || 4 || agnidagdhāśca ye kecinnāgnidagdhāstathā'pare | vidyuccaurahatā ye ca tebhyaḥ piṇḍaṃ dadāmyaham || 5 || oṃdāvadāhe mṛtā ye ca siṃhavyāghrahatāśca ye | daṃṣṭribhiḥ śṛṅgibhirvāpi tebhyaḥ piṇḍaṃ dadāmyaham || 6 || oṃ udvandhanamṛtā ye ca viṣaśastrahatāśca ye | ātmopaghātino ye ca tebhyaḥ piṇḍaṃ dadāmyaham || 7