Smrititattva 1.p2.91

1.p2.91

dakṣiṇaṃ bhāgacatuṣṭayena kṛtāni tatra dakṣiṇāgrān kuśrānāstīryya “asmat kule mṛtā ye ca gatiryeṣāṃ na vidyate | āvāhayiṣye tān sarvvān darbhapṛṣṭhe tilodakaiḥ || mātāmahakule ye
ca gatiryeṣāṃ na vidyate | āvāhayiṣye tān sarvvān darbhapṛṣṭhe
tilodakaiḥ || bandhuvargakule ye ca gatiryeṣāṃ na vidyate | āvāhayiṣye tān sarvvān darbhapṛṣṭhe tilodakaiḥ” || ityetaistilodakairāvāhya “ābrahmastambaparyyantaṃ devarṣipitṛmānavāḥ| tṛpyantu
pitaraḥ sarvve mātṛmātāmahādayaḥ| atītakulakoṭīnāṃ saptadvīpanivāsinām || ābrahmabhuvanāllokādidamastu tilodakam” || ityetābhyāṃ tilodakāñjalīn dadyāt tato mūlāditaḥ pitṛtīrthena piṇḍān dadyāt tatra kramaḥ| “asmatkule
mṛtā ye ca gatiryeṣāṃ na vidyate | teṣāmuddaraṇārthāya imaṃ piṇḍaṃ
dadāmyaham || mātāmahakule ye ca gatiryeṣāṃ na vidyate
teṣāmuddharaṇārthāya imaṃ piṇḍaṃ dadāmyaham || bandhuvargakule ye ca
gatiryeṣāṃ na vidyate | teṣāmuddharaṇārthāya imaṃ piṇḍaṃ dadāmyaham || ajātadantā ye kecit ye ca garbhe prapīr̤itāḥ
teṣāmuddharaṇārthāya imaṃ piṇḍaṃ dadāmyaham || agnidagdhāśca ye
kecinnāgnidagdhāstathā pare | vidyuccaurahatā ye ca tebhyaḥ piṇḍaṃ
dadāmyaham || dāvadāhe mṛtā ye ca siṃhavyāghrahatāśca ye
daṃṣṭribhiḥ śṛṅgibhirvāpi tebhyaḥ piṇḍaṃ dadāmyaham || udvandhanamṛtā ye ca viṣaśastrahatāśca ye | ātmopaghātino ye ca
tebhyaḥ piṇḍaṃ dadāmyaham || araṇye vartmani vane kṣudhayā tṛṣayā hatāḥ | bhūtapretapiśācāśca tebhyaḥ piṇḍaṃ dadāmyaham”
vane jale| “raurave cāndhatāmitre kālasūtre ca ye sthitāḥ