Tirthaprakasha 4.p29
Tīrthaprakāśa 4.p29
- Language
- Sanskrit
4.p29
parāśara uvāca | maitreya śrūyatāmetat saṅkṣepādgadato mama | nāsya varṣaśatenāpi vaktuṃ śakyo'tivistaraḥ || jambūplakṣāhvayau dvīpau śālmaliścāparo dvija | kuśaḥ krauñcastathā śākaḥ puṣkaraścaiva saptamaḥ || ete dvīpāḥ samudraistu sapta saptabhirāhṛtāḥ | lavaṇekṣusurāsarpirdadhidugdhajalaiḥ samam || jambūdvīpaḥ samastānāmeteṣāṃ madhyamaḥ sthitaḥ | tasyāpi merumaitreya madhye kanakaparvataḥ || caturāśītisāhasro yojanairasya cocchrayaḥ | praviṣṭaḥ ṣoḍaśādhastāddvātriṃśanmūrdhni vistṛtaḥ || mūle ṣoḍaśasāhasro vistārastasya bhūbhṛtaḥ | bhūpadmasyāsya śailo'sau karṇikākārasaṃsthitaḥ || himavān hemakūṭaśca niṣadhaścāsya dakṣiṇe | nīlaḥ śvetaśca śṛṅgī ca uttare varṣaparvatāḥ || lakṣapramāṇau dvau madhye daśahīnāstathā'pare | sahasradvitayocchrāyāṃstāvadvistāriṇaśca te
Linked texts (4)
- Śivapurāṇa (complete text) — Sanskrit
- Agnipurāṇa — Vyāsa, Sanskrit
- Varāhapurāṇa — Vyāsa, Sanskrit
- Brahmāṇḍapurāṇa — Vyāsa, Sanskrit