Tirthaprakasha 4.p341

4.p341

te tatra puruṣā yānti ye mṛtāḥ puruṣottame || kṣetraṃ ca durlabhaṃ loke kīrtitaṃ puruṣottamam | tyaktvā yatra naro dehaṃ yāti sālokyatāṃ hareḥ || kṛmikīṭapataṅgāśca tiryagyònigatāśca ye | tatra dehaṃ parityajya te'pi yānti parāṃ gatim || tathā, pathi śmaśāne gṛhamaṇḍape vā rathyāpradeśeṣvapi yatra tatra | icchannanicchannapi tatra dehaṃ santajya mokṣaṃ labhate manuṣyaḥ || dehaṃ tyajanti puruṣā ye tatra puruṣottame | kalpavṛkṣaṃ samāsādya muktāste nātra saṃśayaḥ || vaṭasāgarayormadhye ye tyajanti kalevaram | te durlabhaṃ paraṃ mokṣaṃ prāpnuvanti na saṃśayaḥ || iti | atha kṛttivāsaḥ kṣetram | brahmapurāṇe, tathā caivotkale deśe kṛttivāsā maheśvaraḥ | sarvapāpaharaṃ tasya kṣetraṃ paramadurlabham || liṅgakoṭisamāyuktaṃ vārāṇasyā samaṃ śubham | ekāmraketivikhyātaṃ tīrthāṣṭakasamanvitam || tīrthaṃ bindusaro nāma tasmin kṣetre dvijottamāḥ | devānṛṣīnmanuṣyāṃśca pitṝn santarpayettataḥ || tilodakena vidhinā nāmagotravidhānataḥ | snātvaivaṃ vidhivattatra so'śvamedhaphalaṃ labhet || grahoparāge saṅkrāntyāṃ viṣuve ayane tathā | yugādau ṣaḍaśītyāṃ ca tathānyatra śubhe tithau || ye tatra dānaṃ viprebhyaḥ prayacchanti dhanādhikam | anyatīrthācchataguṇaṃ phalaṃ te prāpnuvanti vai || piṇḍaṃ ye samprayacchanti pitṛbhyastatsarastaṭe | pitṝṇāmakṣayāṃ tṛptiṃ te kurvvanti na saṃśayaḥ || tataḥ śambhorgṛhaṃ gacchedrāgyataḥ saṃyatendriyaḥ | praviśya pūjayet pūrvaṃ kṛtvā tatra pradakṣiṇam || ghṛtakṣīrādibhiḥ snānaṃ kārayitvā bhavaṃ śuciḥ | candanena sugandhena vilipya kuṅkumena ca || tatra sampūjayeddevaṃ candramaulimumāpatim | puṣpairnānāvidhairghyairbilvārkakamalādibhiḥ || āgamoktena mantreṇa vedoktena ca śaṅkaram | adīkṣitaśca nāmnaiva mūlamantreṇa cārccayet || evaṃ sampūjya vidhivaddevadevamumāpatim | sarvvapāpavinirmukto rūpayauvanagarvitaḥ || kulaikaviṃśamuddhṛtya divyābharaṇabhūṣitaḥ | sauvarṇena vimānena kiṅkiṇījālamālinā || upagīyamāno gandharvvairapsarobhiralaṅkṛtaḥ | udyotayan diśaḥ sarvvāḥ śivalokaṃ sa gacchati || bhuktvā tatra sukhaṃ bhogaṃ manamaḥ prītidāyakam | tallokavāsibhiḥ sārddhaṃ yāvadāmṛtasamplavam || tatastasmādihāyātaḥ pṛthivyāṃ puṇyasaṅkṣaye | jāyate yogināṃ gehe caturvedī dvijottamaḥ || yogaṃ pāśupataṃ prāpya tato mokṣamavāpnuyāt | śayaneotthāpane caiva saṅkrāntyāmayane tathā || aśokākhyāṃ tathāṣṭamyāṃ pavitrāropaṇe tathā | ye ca paśyanti deveśaṃ kṛttivāsasamuttamam || vimānenārkavarṇena śivalokaṃ vrajanti te sarvakāle'pi taṃ devaṃ ye paśyanti sumedhasaḥ || te'pi pāpavinirmuktāḥ śivalokaṃ vrajanti vai | devasya paścime pūrve dakṣiṇa cottare tathā || yojanadvitayaṃ sārddhaṃ kṣetraṃ tadbhuktimuktidam