Tirthaprakasha 4.p55

4.p55

medasā viplutā bhūmiravimuktena varjitā || pūtā samabhavatsarvā mahādevena rakṣitā | saṃskārastena kriyate bhūmeranyatra sūribhiḥ || dambhaḥ, kīrtyarthaṃ dharmānuṣṭhānam | stambho garvaḥ | atimatsaro'tyantāsūyā | paiśunyaṃ paradoṣāviṣkaraṇam | tathā, taṃ vai prāpya mahādevamīśvarādhyuṣitaṃ śubham | avimuktaṃ kṛtārtho'smītyātmānamupalakṣayet || ṛṣidevāsuragaṇairjapahomaparāyaṇaiḥ | yatibhirmokṣakāmaiśca avimuktaṃ niṣevyate || nāvimukte mṛtaḥ kaścinnarakaṃ yāti kilbiṣī | īśvarānugṛhītā hi sarve yānti parāṃ gatim || tathā, bhūloke cāntarikṣe ca divi tīrthāni yāni ca | atītya varttate sarvāṇyavimuktaṃ prabhāvataḥ || ye tu dhyānaṃ samāsādya yuktātmānaḥ samāhitāḥ | sanniyamyendriyagrāmaṃ japanti śatarudriyam || avimukte sthitā nityaṃ kṛtārthāste dvijātayaḥ | tathā, na dānairna tapobhiśca na yajñairnāpi vidyayā | prāpyate gatiriṣṭā hi yā 'vimukte tu labhyate || nānāvarṇā vivarṇāśca caṇḍālā ye jugupsitāḥ | kilbiṣaiḥ pūrṇadehāśca prakṛṣṭaiḥ pātakaistathā || bheṣajaṃ paramaṃ teṣāmavimuktaṃ vidurbudhāḥ | jātyantarahasreṣu avimukte mriyeta yaḥ | bhakto viśveśvare deve na sa bhūyo'bhijāyate || atra ceṣṭaṃ hutaṃ dattaṃ tapastaptaṃ kṛtaṃ ca yat | sarvamakṣayametasminnavimukte na saṃśayaḥ ||' kālenoparatā yānti bhave sāyujyamakṣayam | tathā, na hi yogādṛte mokṣaḥ prāpyate bhuvi mānavaiḥ | avimukte tu vasatāṃ yogo mokṣaśca siddhyati || anena janmaneveha prāpyate gatiruttamā | eka eva prabhāvo'sti kṣetrasya parameśvari || ekena janmanā devi mokṣaṃ yāsyantyanuttamam | avimukte nivasatatā vyāsenāmitatejasā || naiva labdhā kvacidbhikṣā bhrāmyamāṇena yatnataḥ | kṣudhāviṣṭastataḥ kruddho'cintayacchāpamuttamam || mā bhūtaipuruṣī vidyā mā bhūtaipuruṣaṃ dhanam | mā bhūtaipuruṣaṃ rājyaṃ vyāso vārāṇasīṃ śapat || avimukte nivasatatāṃ janānāṃ puṇyakarmaṇām | vighnaṃ sṛjāmi sarveṣāṃ. yena siddhirna vidyate || 'vyāsacittaṃ tadā jñātvā devadeva umāpatiḥ' | ityerdhaṃ mātsye dṛśyate'