Tirthendushekhara 3.p24

Tīrthenduśekhara 3.p24

Language: Sanskrit

3.p24

madhyameśvaramārabhya yāvaddehali vighnapam | sūtraṃ saṃsthāpya taddikṣu bhrāmayenmaṇḍalākṛti || tatra yā jāyate rekhā tanmadhye kṣetramuttamam | kāśīti yadvidurdevāstatra muktiḥ pratiṣṭhitā || kāśyantaḥ paramaṃ kṣetraṃ viśeṣaphalasādhanam | vārāṇasīti yatkhyātaṃ tanmānaṃ nigadāmi vaḥ || dakṣiṇottarayornadyau varaṇāsiśca pūrvataḥ | jāhnavī paścime cāpi pāśapāṇirgaṇeśvaraḥ || tasyā antaḥsthitaṃ divyaṃ viśeṣaphalasādhanam | avimuktamiti khyātaṃ tanmānaṃ ca bravīmi vaḥ || viśveśvarāccaturdikṣu dhanuḥśatayugonmitam | avimuktābhidhaṃ kṣetraṃ muktistatra na saṃśayaḥ || gokarṇeśaḥ paścime pūrvataśca gaṅgāmadhyamuttare bhārabhūtaḥ

Previous: 3.p23
Next: 3.p25
Up: 3

Linked texts (1)

Tīrthaprakāśa — Mitramiśra, Sanskrit