Vratakhanda 109.p1.19

109.p1.19

ya evaṃ kurute bhaktyā umāmāheśvaraṃ vratam
khamekamekaṃ viprendra sa yāti paramāṃ gatiṃ
khamekaḥ samvatsaraḥ
caturbhiḥ pāraṇairevaṃ khamekaṃ kīrttitaṃ budhaiḥ
prathamantu tribhirmāsaiḥ pāraṇaṃ kārttikādibhiḥ
kārttike mārgaśīrṣe tu pauṣe māsi tathā pare
unmattakasya puṣpaistu phalairbhakṣyairanekaśaḥ
unmattakasya dhūstūrakasya
śrīkhaṇḍacandaneneśaṃ khetena tu vilepayet
sājyantu guggulaṃ dadyānnaivedyaṃ pāyasaṃ paraṃ
snānantu pañcagavyena prāśanantu pravarttayet
mahādeveti vai nāma gorodeveti paṭhyate
māghe ca phālgune māsi tathā caitre dvijottama
mālatīkusumairddevaṃ kusumairmukuurasya ca
virūpākṣeti caināma devyānāma umeti ca
pūjayedvidhivaddevaṃ dhūpenāguruṇā vibhuṃ
kuṅkumena tathā bhaktyā vidhivatsau vilepayet
dadhnā śālīdanaṃ dadyānnaivedyaṃ śūlapāṇaye
kuśodakaṃ tathāśrīyādātmanaḥ kāyaśuddhaye
vaiśākhe tu tathā jyeṣṭhe āṣār̤he pūjayennaraṃ
karavīraiśca puṣpaiśca tathā raktotpalairmune
prājāpatyena dhūpena rasālāmodakaistathā
śivaḥ śivā ca vaināmno tayorvipra prakīrttite
snānaprāśanayoḥśastā ghṛtakṛṣṇatilā budhaiḥ
aguruṃ siṃhvakaṃ dhūpaṃ prājāpatyamiti smṛtam
śrāvaṇādiṣu māseṣu jātīpuṣpakadambakaiḥ
pūjayedvidhivaddevīṃ tripurāntakaraṃ haraṃ
catuḥsamena deveśamarcayedvidhivanmune
dhūpenāgurumiśreṇa kṛśarāpūpapāyasaiḥ
ebhirdhyaiḥ pūjayeddevaṃ caturbhiḥ pāraṇairharam
caturvargamavāpnoti kāmayāno na saṃśayaḥ
prakāmayānaśca punasturīyaṃ kevalaṃ labhet
kāmayāno yathā mokṣaṃ kāmaṃ prāpnoti mānavaḥ
putrakāmo labhet putraṃ dhanakāmo labhedvanam