Vratakhanda 109.p1.1

109.p1.1

athāṣṭamīvratāni
jagattrayomaṇḍapamaṇḍayitrī yatkīrttivallījalamānasānāṃ
nihanti santāpamaśeṣaśoṣā hemādrirāha vratamaṣṭamīṣu
tatra jayantīvratamucyate
viṣṇudharmottare
pulastya uvāca
rohiṇyatha yadā kṛṣṇe pakṣe'ṣṭamyāṃ dvijottama
jayantī nāma sā proktā sarvvapāpaharā tithiḥ
yadvālye yacca kaumāre yauvane vārddhake tathā
bahujanmakṛtaṃ pāpaṃ hanti sopoṣitā tithiḥ
vahnipurāṇe
vaśiṣṭha uvāca
kṛṣṇāṣṭamyāṃ bhavedyatra kalaukā rohiṇī nṛpa
jayantī nāma sā proktā upoṣyā sā prayatnataḥ
saptajanmakṛtaṃ rājan jagattyāṃ trividhaṃ nṛṇām
tat kṣālayati govindatithau tasmin subhāvitaḥ
upavāsaśca tatrokto mahāpātakanāśanaḥ
jagattyāṃ jagatīpāla vidhinā nātra saṃśayaḥ
tretāyāṃ dvāpare caiva rājan kṛtayuge purā
rohiṇīsaṃyutā ceyaṃ vidmadbhiḥ samuṣoṣitā
viyoge pāraṇaṃ cakrurmunayo brahmavādinaḥ
sāṃgogike vrate prāpte yatraiko'pi viyujyate
tatraiva pāraṇaṅkuyyyādevaṃ vedavido viduḥ
ataḥ śṭaṇu mahīpāla samprāpte tāmase kalau
janmatau vāsudevasya bhavitā vratamuttamam
ārādhitastu devakyā viṣṇuḥ sarvveśvaraḥ purā
samāyoge tu rohiṇyā niśīthe rājasattama
samajāyata govindo bālarūpaścaturbhujaḥ
taṃ dṛṣṭvā jagatānnāthaṃ praṇamya garuḍadhvajam
devakī prāñjalirbhūtvā idaṃ vacanamabravīt
devakyavāca
na viyogañca saṃsoḍhuṃ sauhārdāt padmalocana
tavedarūpamālokya śaṅke'ha madhusūdana
vāsudevauvāca
tvaṃ māṃ drakṣyasasandigdhaṃ dine'smiṃścaiva bhāmini
tavadarśanameṣyāṇi bālarūpeṇa devaki
saptamīsaṃyutāṣṭamyāṃ niśīthe rohiṇī yadi
bhavitā saptamī puṇyā yāvaccandradivākarau