Vratakhanda 109.p1.20

109.p1.20

vidyārthī labhate vidyānanaṃ prāpnoti śaṅkarāt
kṛtvaivaṃ varṣamekantu varṣānte prīṇayeddhariṃ
nānāprekṣaṇakairbrahman brāhmaṇāṃścātarpayeḥ
dāmpatyaṃ bhojayedvipra prītyaye śaṅkarasya tu
kalpasthaṃ vācakaṃ vipraṃ sapatnīkaṃ vicakṣaṇaḥ
vācakaṃ kalpayet śambhuṃ svapatnīṃ lalitāṃ mune
prīṇayitvā tu dāmpatya bhakṣyabhojyairanekaṇaḥ
kusumbhaṃ raktavastrāṇi tābhyāṃ dadyādvijottama
nānāvidhairgandhapuṣpaiḥ pūjayitvā dvijottamaṃ
dakṣiṇāñca punarddadyātsauvarṇapratimādvayaṃ
vācakāya mahādevaṃ tatpatnau lalitāṃ mune
ya evaṃ pūjayeddevaṃ haraṃ śraddhāsamanvitaḥ
sa divyaṃ yānamārūḍhaḥ suvarṇodbhavamuttamaṃ
tejasā śukrasaṅkāśaḥ prabhayā harisannibhaḥ
sa gacchetparamaṃ sthānamacalaṃ śūlapāṇinaḥ
tasmādetya bhavedrājā bhūtale bhūtaleśvaraḥ
iti bhaviṣyatpurāṇokta dāmpatyāṣṭamauvratam
atha puttrīyavratam
pulastya uvāca
proṣṭhapadyāmatītāyāṃ kṛṣṇapakṣāṣṭamī tu yā
sopavāsonaro'ṣṭamyāṃ yoṣidvā tanayārthinī
snātā sarasi dharmajñā toyevāpyatha sārase
pūjanaṃ vāsudevasya yathā kuryyāttathā śṛṇu
ghṛtaprasthena govindaṃ snāpayitvā jagadguruṃ
codreṇa ca tataḥ paścāddadhnā vā snāpayettataḥ
caureṇa snapanaṃ kṛtvā tataḥ paścādvirucyate
sarvvauṣadhaiśca sajalaiḥ sarvvabījaphalaistathā
snāpayitvānulimtā ca candanāgurukuṅkumaiḥ
karpūreṇa tathā rāma tathā jātīphalaiḥ śubhaiḥ
tataḥ kālodbhavaiḥ puṣpaiḥ pūjayitvā jagadgurum
dhūpaṃ vāguruṇā dhūpaṃ kṛtvā naivedyamīpsitam
viśeṣāhārasampādya punnāgairanvitaṃ phalam
pauruṣeṇa ca sūktena hutvā vānantaraṃ dhruvam
śūdrovāpyathavā nārī nāmnā hutvā jagadguroḥ