Vratakhanda 109.p1.4

109.p1.4

atirātrasya yajñasya phalamāpnoti mānavaḥ
evaṃ puṣyetu sampūjya śambhuṃ nāma maheśvaram
kṛṣṇāṣṭamyāṃ ghṛtaṃ prāśya vājapeyaphalaṃ labhet
gomūtraṃ prāśayitvā ca svapedbhūmo jitendriyaḥ
māghe maheśvaraṃ nāma devadevasya pūjayet
gocīraṃ niśi samprāśya gomedhaphalamāpnuyāt
phālgune ca mahādevaṃ sampūjya prāśayettilān
rājasūyasya yajñasya prāpnotyavikalaṃ phalaṃ
caitre sthāṇuṃ samabhyarcya yavān samprāśya bhaktitaḥ
aśvamedhasya yajñasya phalaṃ prāpnotyasaṃśayaṃ
vaiśākhe śivamabhyarcya prāśayecca kuśodakam
phalamedhāt phalaṃ yajñāt bhaktitaḥ prāpnuyānnaraḥ
jyeṣṭhe paśupatiṃ pūjyagavāṃ śṛṅgodakaṃ pivet
gosahasrapradānasya phalamāpnotyanuttamaṃ
āṣār̤he cogranāmānaṃ pūjayedbhaktitatparaḥ
gomayaṃ prāśayedrātrau sautrāmaṇiphalaṃ labhet
śrāvaṇe sarvvanāmānaṃ pūjayitvā jitendriyaḥ
prāśayedarkapatrāgraṃ tasmin sarvveśvaraṃ yajet
bahusvarṇasya yajñasya phalamāpnotyasaṃśayam
māsi bhādrapade'ṣṭamyāṃ tryambakaṃ nāma pūjayet
bilvapatraṃ niśi prāśya grāmadānaphalaṃ labhet
āśvine bhavanāmānaṃ pūjayedbhaktitatparaḥ
prāśayet taṇḍulajalamagnihotraphalaṃ labhet
kārttike rudranāmānaṃ sampūjya prāśayedapaḥ
caturṇāmapi vedānāmadhyāpanaphalaṃ labhet
āpośānavadaśnīyādbhavadravyaṃ sakṛdvratī
aṅguṣṭhopakaniṣṭhābhyāṃ gṛhītvā patitodakam
ityuktaiśca tathaivānyaiḥ puṣpādyaiśca yathākramāt
sampūjya prārthayedīśaṃ mantreṇānena bhaktimān
viśvātman sumahādeva vrate vāsmin tvayoditaṃ
dantadhāvananaivedya kusumaprāśanādikaṃ
mohāddā yadi vā lobhānnakkataṃ yadamantravat
prasādāttava tacchambhoḥ paripūrṇaṃ mahāmune