Vratakhanda 109.p1.5

109.p1.5

māsi māsi yajedevaṃ liṅgamūrttiṃ maheśvaram
athavāccākkṛtiṃ rudraṃ somaṃ kumbhoparisthitaṃ
vāmārddhe pārvatī kāryyā śivaḥ kāryyaścaturbhujaḥ
akṣamālāṃ triśūlañca tasya dakṣiṇahastayoḥ
darpaṇendīvarau kāryyau vāmayoryadunandana
ekavaktrobhavecchambhu rdātā ca dayitātanuḥ
trinetraśca mahādevaḥ sarvābharaṇabhūṣitaḥ
mantrapūrdhvantu vidhivatpūjayecchaṅkaraṃ vratī
kṛṣṇāṣṭamīṣu sarvvāsu śivabhaktān yatīn sadā
bhojayedbrāhmaṇān bhaktyā dadyāttebhyaśca dakṣiṇām
vratānte śaṅkaraṃ kṛtvā sauvarṇṇapratimākṛtim
kṛṣṇāṣṭamyāṃ tathā rātrau devaṃ samadhivāsayet
gandhaiḥ puṣpaiḥ phalairdhūpai naivedyairvvividhaiḥ śubhaiḥ
pūjā stutikathābhiśca kārayecca mahotsavam
nivedayettatheśāya śayyāṃ sopaskarānvitām
vitānaṃ vyajanaṃ chatraṃ ghaṇṭābhāratikāhikam
tataḥ prabhātasamaye snātvā cābhyarcya śūlinam
kulābhijātyai viprāgra śivāyai tatsamarpayet
vastrālaṅkārasaṃyuktāṃ gāñca kṛṣṇatilairyutām
prīyatāṃ me śivonityamityuktvā vidhivattataḥ
tatastu bhojayedviprān śivabhaktān svabhaktitaḥ
pāyasenājyayuktena dadyātteṣāñca dakṣiṇām
śaktyā hiraṇyavāsāṃsi śivadhyānaikamānasaḥ
likhāpya śivaśastrāṇi dadyācca śivatuṣṭaye
sajalāḥ kṛṣṇakalaśāstilairbhakṣyaiḥ samanvitāḥ
dvādaśānnaṃ pradātavyaṃ chatropānadyugānvitaṃ
vācakāya pradātavyā gauḥ kṛṣṇā tu payasvinī
sopaskarā tu rudrome prīyatāmiti kīrttayet
rudrāya kṛṣṇakalaśān lahukāṃca vitānakam
dhvajaṃ kiṅkiṇisaṃyuktaṃ kṛṣṇamevāna kalpayet
evaṃ yaḥ kurute pārtha vratametadanuttamam
sarvvapāpavinirmuktaḥ śivaloke mahīyate
indrāyaistridarśeścīrṇaṃ vratametanmahāphalam