Vratakhanda 109.p1.6

109.p1.6

devatvamāpuḥ sarvve te vratasyāsya prabhāvataḥ
guṇatvamāyuśca gaṇādhirājatāṃ
guṇagrahatvañca tathāguṇagrahaḥ
bahunātra kimuktena toṣamāyāti śaṅkaraḥ
kṛṣṇāṣṭamīvrateneha bhaktyācīrṇena pāṇḍava
na tathā tapasā dattairvrataistoryābhiṣecanaiḥ
ityetatte samākhyātaṃ pārtha kṛṣṇāṣṭamīvratam
yacchrutvā sarvvapāpebhyo mucyate nātra saṃśayaḥ
kṛṣṇāṣṭamī vratamidaṃ śivabhāvitātmā
sammānnairuṭaditanāmagrutairupoṣa
kṛṣṇān dadāti kalaśān nṛpa gāñca kṛṣṇāṃ
yo'sauprayāti padamuttamamindumauleḥ
iti bhaviṣyottoktaṃ kṛṣṇāṣṭamīvrataṃ
śṛṇu dākṣa paraṃ kāmyaṃ vrataṃ santatidaṃ nṛṇām
yasmin cīrṇe na vicchedaḥ pitṛpiṇḍasya jāyate
kṛṣṇāṣṭamyāṃ caitramāse snāto niyatamānasaḥ
kṛṣṇāmabhyarcya pūjāñca devakyāṃ kurute tu yaḥ
nirāhāro japannāma kṛṣṇasya jagataḥ pateḥ
upaviṣṭo japan snātāḥ cutapraskhalitādiṣu
pūjāyāñcāpi kṛṣṇasya saptavārān prakīrttayet
pāṣaṇḍino vikarmmasthān nālpennaiva nāstikān
prabhāte vāmbunā snāto dadyādviprāya dakṣiṇām
bhuñjīta kṛtapūjaya kṛṣṇasyaiva jagatpateḥ
vaiśākhajyaiṣṭhayoścaiva pāraṇaṃ hi trimāsikam
upoṣya devadeveśaṃ ghṛtena snāpayet hariṃ
āṣār̤he śrāvaṇe caiva māsi bhādrapade tathā
tathaivāśvayuje māsi kṛtvā māsatrayaṃ tathā
upoṣya tu dvitīyaṃ vai pāraṇa pūrvvavattathā
upoṣya pūjayeddevaṃ haviṣā pāraṇe gate
pauṣamāghe phālgune ca narassaṅghadupoṣitaḥ
caturthe pāraṇe pūrṇe ghṛtena snāpayeddhariṃ
evaṃ kṛtopavāsasya puruṣasya tathā striyaḥ
na santateḥ paricchedaḥ kadācidapi jāyate
kṛṣṇāṣṭamīmimāṃ yastu naroyoṣidathāpi vā
upoṣyati ca sālhādaṃ trilokyāṃ prāpya nirvṛtiṃ