Vratakhanda 114.p2.22

114.p2.22

sukhārthī kāmarūpeṇa yajettaṃ jagadīśvaram
tat śrutvā ca cacārāsau ditiḥ sarvvamaśeṣataḥ
kāśyapo vratamāhātmyādaṅgatya parayā mudā
cakārākarkaśāṃ bhūyo rūpayauvanaśālinīṃ
varairācchādayāmāsa sā tu vavre varaṃ sutaṃ
tataḥ sā vratamāhātmyāllebhe garbhamanuttamaṃ
kadācillavvasañcāraṃ śatrutvāñjaṭharaṃ diteḥ
praviśyaikonapañcāśat kṛtvā śakro jaghāna tāṃ
tāvantovālakā bhūya rurudurnamṛtiṃ gatāḥ
tato vai cintayāmāsa kimetaditi vṛtrahā
dharmmasya paśya māhātmyaṃ punaḥ sañjīvitāstvamī
kadācidanayā nūnaṃ madanadvādaśī kṛtā
tat prabhāvena jīvanti tanayā nihatā api
nūnametat parityaktamadhunā tasya pūjanaṃ
vance ṣābhihatāḥ santo na vināśamavāpnuyuḥ
ekāpyanekatāmāpa yasmāt garbho hatopyalaṃ
aho māhātmāmetasmin madanadvādaśīvrate
jīvaputrā bahusutā yena nārī prajāyate
iti matsyapurāṇoktaṃ madanadvādaśīvratam
bhadrāśva uvāca
vijñānātpattikāmasya ka ārādhyo bhaveddija
kathamārādhyate sohi etadākhyāhi me dvija
agastya uvāca
viṣṇureva mahāyajñaḥ† sarvvadevairapi prabhuḥ
tasyopāyaṃ pravakṣyāmi yenāso varado bhavet
rahasya sarvvadevānāṃ munīnāmuttamastathā
nārāyaṇaḥ parodevaḥ taṃ praṇamya na sīdati
śrūyate ca purā rājan nāradena mahātmanā
kathitaṃ puṣṭidaṃ‡ viṣṇorvratamapsarasāstathā
nāradastu purākalpe gatavān mānasaṃ saraḥ
strānārthaṃ tatra so'paśyat sarvvamapsarasāṅgaṇam
tāstaṃ dṛṣṭvā vilāsinyo jaṭāmukuṭadhāriṇam
asthicarmāvaśeṣantu kṛśa kuṣṭhī-kapālinam
devāsuramanuṣyāṇāṃ didṛkṣuṃ kalahaṃ sadā
brahmaputraṃ tapoyuktaṃ papracchustā varāṅganāḥ
apsarasa ūcuḥ