Vratakhanda 114.p2.23

114.p2.23

bhagavan brahmatanaya bhartṛkāmā vayaṃ dvija
nārāyaṇaśca bharttā no yathā syādāyacakṣva tat
nārada uvāca
praṇāmapūrvvakaḥ praśnaḥ sarvvato bhavate śubhaḥ
sa ca me na kṛto garvādyuṣmābhi yauvanasmayāt
tathā hi devadevasya viṣṇoryannāmakīrttitam
bhavatībhistathā bharttā bhavatviti hariḥ śubhaḥ
tannāmoccāraṇādeva kṛtaṃ sarvvaṃ na saṃśayaḥ
idānīṃ kathayāmāsa vrataṃ yena hariḥsvayam
varadantaṃmavāpnoti bhartṛtvaṃ ca niyacchati
vasante śuklapakṣasya dvādaśī yā bhavecchubhā
tasyāmupoṣya vidhivat saśrīkaṃ harimarcayet
paryyaṅkāstaraṇaṃ kṛtvā nānāstaraṇasaṃyutam
tatra lakṣmyā yutaṃ devaṃ raupyaṃ kṛtvā nivedayet
tasyopari tataḥ puṣpairmaṇḍapaṃ kārayedbudhaḥ
nṛtyavāditragītaiśca jāgaraṃ tatra kārayet
manobhavāyeti śirastvanaṅgāyeti vai kaṭiṃ
kāmāya bāhumūle tu kusumārāya codaraṃ
manmathāyeti pādau tu harayeti ca sarvvataḥ
puṣpaiḥ saṃpūjya deveśaṃ mallikājātibhistathā
pañcāñcatara mādāāya ṝtudaṇḍān suśobhanān
caturdditu nyasettasya devasya praṇato nṛpa
evaṃ kṛtvā prabhāte tu dāpayedbrāhmaṇāya tam
vedavedāṅgayuktāya saṃpūrṇāṅgāya dhīmate
brāhmaṇāṃśca tathā bhojya vratametatsamāpyate
vratasyānte tato viṣṇurbharttā vo bhavati dhruvam
akṛtvā matpraṇāmantu pṛṣṭaṃ garveṇa śobhanāḥ
vratenānena deveśaṃ patiṃ labdhvābhimānataḥ
avasāne'paharaṇaṃ gopālervo bhaviṣyati
parāhṛtānāṃ kanyānāṃ† devo bharttā bhaviṣyati
evamukkā sa devarṣiḥ prayayau nāradaḥ kṣaṇāt
atopyetadvrataṃ cakrustṛṣṭāstāsāṃ svayaṃ hariḥ
iti bhaviṣyatpurāṇoktaṃ bhartṛprāptivratam
dvādaśyāṃ śuklapakṣe ca māsi bhādrapade naraḥ