Vratakhanda 114.p2.26

114.p2.26

etadvai guhyakaṃ proktaṃ vrataṃ pāpaharaṃ śubham
iti bhaviṣyotparoktaṃ guhyakadvādaśīvratam
dvādaśyāṃ devadeveśaṃ pūjayitvā jalādhipaṃ
puṇḍarīkamavāpnoti varuṇaṃ yādasāmpatiṃ
iti viṣṇudharmoktaṃ puṇḍarīkayajñaprāptivratam
sarvvaṃ devarathaṃ śakraṃ pūjayitvā tathā naraṃ
sarvvān kāmānavāpnoti svargalokañca gacchati
iti viṣṇu dharmmottaroktaṃ śakravratam
umovāca
bhagavan śrotumicchāmi māścaryyaṃ paramaṃ vibho
kathitavyaṃ prasādena yadyasti mama sauhṛdam
deva yena virūpatvaṃ yaddvratena praṇaśyati
saubhāgyaṃ paramaṃ caiva prāpyate kasya sevanāt
tanme kathaya deveśa paramābhīṣṭadāyakam
īśvara uvāca
śrūyatāṃ vai paraṃ guhyaṃ vrataṃ pāpaharaṃ śubham
surūpa dvādaśī nāma mahāpātakanāśinī
rūpapradāyinī caiva tathā saubhāgyavarddhanī
kulavṛddhikarīcaiva sarvva saukhyapradāyinī
tāṃ śṛṇuṣva prayatnena kathyamānāṃ mayānaghe
purā vai dvāparasyānte viṣṇu daityaniṣūdanaḥ
utpanno mṛtyuloke'tra vasudevakule kila
tenoḍhā rukmiṇī nāma bhīṣmakasya ca sutā punaḥ
atyantarūpasubhagā pativrataparāyaṇā
nahi tasyā vinā kṛṣṇastīkasaṅgahate sukham
śvaśrū śvaśurayoḥ pādavandanaṃ bhartta tatparā
kenāpi karmadoṣeṇa kupitāṃ kṛṣṇā mātaraṃ
na prasādayati kṣipraṃ pratimalecchatī priyaṃ
tato devyāḥ samutpannaḥ kopaḥ sarvvaguṇāpahaḥ
kṛṣṇāṃ provāca kupitā yadi te jananī svayaṃ
tata stvayāpi vai vāñchā kurupā nirguṇādhikā
madvākyaṃ nānyathā kartuṃ nārhasi tvaṃ kuloddaha
kṛṣṇa uvāca
aprāpāṃ rukmiṇīṃ tyaktumutsahe'haṃ kathaṃ śubhāṃ
yaḥ parityajate bhāryyāmaviluptaśarīriṇīṃ