Vratakhanda 114.p2.27

114.p2.27

sa prāpnoti ca mandātmā daurbhāgyaṃ sāptapauruṣaṃ
virūpatvamavāpnoti na sukhaṃ vindate kvacit
vyādhi rvā jāyate loke nindanīyaśca dehināṃ
ityahaṃ nānumānyo'pi kathaṃ kuryyāstvayā vacaḥ
devakyu vāca
sarveṣāmeva dānānāṃ dānaṃ tīrthādi yacchati
mātā gurutarā vatsa kastasyā vacanaṃ tyajet
mama vākyasya karaṇāt kathaṃ pāpiṣṭhatā bhavet
jananī pūjyate loke na bhāryyā yadunandana
kṛṣṇa uvāca
na ca tyajāmyahaṃ mātaḥ priyāṃ prāṇadhaneśvarīṃ
iti tūṣṇīṃ parābhūtāṃ mātaraṃ prekṣya keśavaḥ
cintāmavāpa paramāṃ kathaṃ saukhyaṃ bhavediti
etasminneva kāle tu nāradomunisattamaḥ
abhyājagāma sahasā viṣṇoṃ prekṣya ca vismitam
pūjitaḥ parayā bhaktyā arghyaṃ tasmai niveditam
upaviṣṭe yathānyāya paryyapṛcchadanāmayaṃ
nārada uvāca
kiṃ tvaṃ sakhedaparamaḥ kimuddegasya kāraṇama
kinna sidhyati te'bhīṣṭaṃ tyajoddegaṃ yaduttama
kṛṣṇa uvāca
mātrā niyukto devarṣe pariṇetuṃ dijottama
kanyāmūhaha yasyāpi kurūpāṃ kasyacit prabho
yathā mātarniyogotra kṛto bhavati satkṛtiḥ
nārada uvāca
śrūyatāmabhidhāsyāmi pūrvvavṛttāntamādarāt
lakṣmoyuktaḥ purā nātha krīḍamāno hi nandane
tatrāyayau sa bhagavān† durvāsā ṛṣisattamaḥ
satkṛtaśca yathānyāyaṃ abhyutthānañca pūrvvakaṃ
prekṣya vībhatsarūpaṃ taṃ devyā hāsaḥ kṛtastadā
sa ca kopena mahatā vaiśvānarasamaprabhaḥ
śaśāpa lakṣmīṃ duṣṭātmā muniḥ krodhasamanvitaḥ
hasito'haṃ tvayā mugdhe ātmano rūpamokṣitā
virūpā bhava durbudde kiṃ na jñāto hyahaṃ tvayā
ityuktā sā tayā devyā yathāvat saṃprasāditaḥ
prasanno jagade vākyaṃ me śāpo na vṛthā bhavet