Vratakhanda 114.p2.35

114.p2.35

nadīṣu devakhāteṣu atra snānantu me bhava
snānamantraḥ
jāmadagniṃ tataścaiva kārayitvā hiraṇmayaṃ
māṣakeṇa suvarṇasya tadarddhanātha vā punaḥ
gṛṣṭhamāgatya devānāṃ pūjāhomantu kārayet
tataścāmardakīṃ gacchet poṣayecca samantataḥ
tasyādho jalakumbhañca sthāpayenmantrasaṃyutaṃ
pañcaratnasamopetaṃ divyagandhādivāsitaṃ
chatropānadyavastraiśca sitacandanacarcitaṃ
sragmālāsatagrovaṃ sarvvato dhūpadhūpitaṃ
dīpamālākulaṃ kuryyāt sarvvata stu manoharaṃ
tasyopari nyaset pātraṃ divyadānaiḥ prapūjitaṃ
pātropari nyaseddevaṃ jāmadagnyaṃ mahābhujaṃ
viśokāya namaḥ pādau jānunī viśvarūpiṇe
ugrāya ca namaḥ kaṇṭhe cāsyaṃ yajñamukhāya vai
lalāme śokaviyuto vāsudevāya ca bhruvau
lalāṭe vāmanāyeti rāmāyeti punarbhuvau
namaḥ kuryyājjane tadvat śirasyabhi pūjayet
pūjayitvā tato devaṃ adhyaiṇaiva pradāpayet
phalena caiva śubhreṇa bhaktiyuktena cetasā
namaste devadeveśa jāmadagne namo'stu te
imaṃ devamimaṃ devaṃ śrīlakṣmaṇā sahito hariḥ
arghya mantraḥ
tato jāgaraṇaṃ kuryyāt bhaktiyuktena cetasā
nṛtyairgītaiśca vāditrairdharmyākhyānakathānakaiḥ
vaiṣṇavaiśca tathā khyātaiḥ kṣapayeccharvvarīntu tāṃ
pradakṣiṇaṃ tataḥ kuryyādāmaīṃcyā namastadā
śatasaptādhikañcaiva aṣṭāviṃśatimeva ca
tataḥ prabhātasamaye nītvā nīrājanaṃ hareḥ
brāhmaṇaṃ pūjayitvā tu sarvvaṃ tasmai nivedayet
jāmadagnāṃ ghaṭañcitraṃ vastrayugmamupānahau
jāmadagna svarūpo ca prīyatāṃ mama keśavaḥ
tataścāmarddi kīṃ spṛṣṭvā kṛtvā caiva pradakṣiṇaṃ
snānaṃ kṛtvā vidhānena brāhmaṇān bhojayettadā
tataśca svayamaśnīyāt kukuṭena samanvitaḥ