Vratakhanda 114.p2.34

114.p2.34

pratyuvāca maharṣīṃstān abhīṣṭaṃ kiṃ dadāmi vaḥ
ṛṣaya ūcuḥ
yadi tuṣṭosi bhagavāmasmākaṃ hitakāmyayā !
vrataṃ kiñcit samākhyāhi svargamokṣapradaṃ paraṃ
dhanadhānyapradaṃ puṇyaṃ ātmanastuṣṭidāyakaṃ
alpāẏāsaṃ bahuphalaṃ vratānāmuttamaṃ vrataṃ
kṛtena yena deveśa viṣṇuloke mahīyate
viṣṇuruvāca
phālgunāmalapakṣeṣu dvādaśī ṛṣisattamāḥ
brāhmaṇānāṃ mahāpuṇyā sarvvapātakanāśinī
viśeṣastatra kathitaḥ śṛṇudhva ṛṣisattamāḥ
āmaīkīṃ tu saṃprāpya jāgaraṃ yastu kārayet
sarvvapāpavinirmukto gosahasraphalaṃ labhet
etadduḥ kathitaṃ viprā vratānāmuttamaṃ vrataṃ
ṛṣaya ūcuḥ
vratasyāsya vidhiṃ brūhi paripūrṇaṃ kathaṃ bhavet
ke mantrāḥ ke namaskṛtārā devatāḥ kāḥ prakīrttitāḥ
kathaṃ snānaṃ kathaṃ dānaṃ kathaṃ pūjāvidhiḥsmṛtaḥ
ardhyapradānamantrañca kathayasva yathātathaṃ
viṣṇuruvāca
śrūyatāṃ yo vidhiḥ samyak vratasyāsya dvijottama
na kasyacinnayākhyāto vratasya vidhiruttamaḥ
ekādaśyāñca niyamaṃ gṛhṇīyāddantadhāvanaṃ
ekādaśyāṃ nirāhāraṃ sthitvā caivāpare'hani
bhokṣyāmi puṇḍarīkākṣa śaraṇaṃ me bhavācyuta
iti kṛtvā ca niyamaṃ dantadhāvanapūrvvakaṃ
nālāpet patitāṃścaurān tathā pāṣaṇḍino narān
durvinītān bhinnamaryādān gurudāraprakarṣakān
aparāhne tathā snānaṃ vidhivat kārayedbudhaḥ
nadyāṃ tar̤āge kūpe vā gṛhe vā niyamāśanaḥ
mṛttikālambhanaṃ pūrvvaṃ tataḥ snānaṃ samācaret
aśvakrānte rathakrānte viṣṇukrānte vasundhare
mṛttike hara me pāpaṃ yanmayā duṣkṛtaṃ kṛtaṃ
mṛttikāmantraḥ
tvamāpo yoniḥ sarvveṣāmevadānavarakṣasāṃ
srotayoni bhujaṅgānāṃ rasānāṃpataye namaḥ
snāto'haṃ sarvvatortheṣu hṛde prasravaṇeṣu ca