Vratakhanda 114.p2.5

114.p2.5

sākale nagare ramye nāstikasya durātmanaḥ
dhanalobhātmayā tatra na kadā vittabheditam
na dattā bhikṣave bhikṣā tṛṣṇāya jaladena ca
prativeśastu tatrāsīdbrāhmaṇo guṇavān mama
śravaṇadvādaśīyoge māsi bhādrapade tathā
saha kaścittayā sārddha toṣīṃ nāma nadīṃ yayau
tasyāśca saṅgamaṃ puṇyaṃ yatrāsīccandraśaṅgayā
candrabhāgā somasutā tatrāsautkarṇanandinī
tapaḥśītoṣṇasalile saṅgame sumanohare
śravaṇa dvādaśīyoge snānaścaiva tathoṣitaḥ
candrabhāgasya toyasya vāridhānpotavān dṛḍhaṃ
dadhyodanayutaiḥ sārddha saṃpūrṇvairvarddhamānakaiḥ
chatropānadyugaṃ vastraṃ pratimāṃ vidhivannaraiḥ
pradadau vipramukhyāya rahasyagno mahāmuniḥ
vittasaṃrakṣaṇārthāya tasyāpi ca tato mayā
sopavāsena dattā vā paridhātisuśobhanā
candrabhāgasya pradadau vipra puṣpayutā tadā
etat kṛtvā gṛhaṃ prāptaḥ tataḥ kālena kenacit
pañcatvamahamāsādya nāstiktyāt pretatāṃ gataḥ
asyāmaṭavyāṃ ghorāyāṃ tathā dṛṣṭāstvayānagha
brahmasvahāriṇastvete pāpāḥ pretatvamāgatāḥ
paradāraratāḥ kecit svāmidroharatāḥ pare
mitradroharatāḥ keciddiṣṭe'smiṃstu sudāruṇe
mamaite vipado yātā annapānakṛte'nagha
akṣayo bhagavān viṣṇuḥ paramātmā sanātanaḥ
yaddīyate tamuddiśya kṣayaṃ tat prakīrttitaṃ
mayā vihīnāḥ kiṃ tasmin vane'smin bhṛśadāruṇe
pīr̤āmanubhaviṣyanti dāruṇāṃ karmmayonijāṃ
eteṣāṃ tvaṃ mahābhāga mamānugrahakāmyayā
anekanāmagotrāṇi gṛhīyāstvakhilena ca
asti codyāgatā caiva tava saṃpuṭikā śubhā
himavatyāṃ tathāsādya yatra tvanviṣyate nidhiṃ
gayāśīrṣaṃ tato gatvā śrāddhaṃ kuru mahāmate
ekamekamathoddiśya pretaṃ pretaṃ yathāsukhaṃ