Vratakhanda 114.p2.6

114.p2.6

evaṃ saṃbhāṣyamāṇo'sau taptajāṃbūnadaprabhaḥ
vimānavaramāruhya svargalokamito gataḥ
svargeca pretanāthena prabhāvākta vaṇik kramāt
nāmagotrāṇi saṃgṛhya prayātataḥ sa himācalaṃ
tatra prāpya nidhiṃ gatvā vinikṣipya svake gṛhe
dhanabhāgamupādāya gayāśīrṣaṃ vaṭaṃ yayau
pretānāṃ kramaṇastatra cakre śrāddhaṃ dine dine
yasya yasya yathāśrāddhaṃ sa karoti dine vaṇik
sa sa tasya sadā svapne darśayatyātmanastanuṃ
bravīti ca mahābhāga prasādena tavānagha
pretabhāvaṃ mayā tyaktaṃ prāpto'smi paramāṃ gatiṃ
satkṛtvā dhanalābhasya pretānāṃ satkṛtiṃ vaṇik
jagāma svagṛhaṃ tatra māsi bhādrapade tathā
śravaṇadvādaśīyoge pūjayitvā janārddanaṃ
dānañca dattvā viprebhyaḥ sopavāso jitendriyaḥ
mahānadīsaṅgameṣu prativarṣaṃ yudhiṣṭhira
cakāra vidhivaddānaṃ tato dṛṣṭāntamāgataḥ
avāpa paramaṃ sthānaṃ durlabhaṃ sarvvamānavaiḥ
tatra kāmaphalā vṛkṣā nadyaḥ pāyasakarddamāḥ
śītalāmalapānīyāḥ puṣkariṇyo manoramāḥ
taṃ deśamāsādya vaṇik mahātmā
sumṛṣṭajāmbūnadabhūṣitāṅgaḥ
kalpaṃ samagraṃ saha sundarībhiḥ
sārddhaṃ suhṛdbhirmuditaḥ sadaiva
budhaśravaṇasaṃyuktā dvādaśī saṅgamodake
dānaṃ dadhyodanaṃ śastamupavāsaparovidhiḥ
sagareṇa kakutsthena dhundhumāreṇa gādhinā
etairanyaiśca rājendra kāmadā dvādaśī kṛtā
yā dvādaśī budhayutā śravaṇena sārddhaṃ
sā vai jayeti kathitā munibhirnabhasye
tāmādareṇa samupoṣya naro hi samyak
prāpnoti siddhimaṇimādiguṇopapannāṃ
iti bhaviṣyottaroklaṃ śravaṇadvādaśīvratam
brahmovāca
trailokyagāminī devī lakṣmīste'stu sadā priyā
dvādaśī ca tithiste'stu kāmarūpī ca jāyate