Vratakhanda 114.p2.8

114.p2.8

upoṣtiḥ pūjayeta yāvatsaṃvatsaraṃ gataṃ
māseṣu māse vidhinoditena
tasyāṃ tithau dānamiti bravīmi
prāśyaṃ yathāvadvidhivat krameṇa
taducyamānaṃ nikhilaṃ nibodha
ghṛtaṃ yavānvrīhiyavaṃ hiraṇyaṃ
yavānnamanra saśakāntrapānaṃ
chatraṃ payonna' guḍaphāṇitāḍhyaṃ
sucandanaṃ vastramanukrameṇa
ekaikapādottamamekadānaṃ
gomūtramambhodhṛtamāmaśaktaṃ
dūrvvādadhivrīhiyavaṃ tilāṃśca
sūryaṃśutaptaṃ jalamambudārbha'
kṣaurañca māsakramaśaḥ prayuktaṃ
dārbhamambu kuśokaṃ
kulapradhāne dhanadhānyapūrṇe
vivekavatyastasamastaduḥkhe
prāpnoti janmāvikalendriyañca
bhavatyarogo matimān mukhī ca
iti viṣṇudharmottoktaṃ sujanmadvādaśīvrataṃ
bṛhaspatiruvāca
kathaṃ sa rājā bhāgyasthaḥ sarvvalokādhikovibhuḥ
kathañca divyatāṃ prāpto viṣṇusāyujyatāṃ vibho
sarvvadeveśvarastasya kathaṃ tuṣṭa umāpatiḥ
brahmovāca
bhāgyarkṣadvādaśī nāma sarvvabhāgyapradāyinau
tatra kṛtvā harerarcāmiṣṭvā padmairyathāvidhi
sarvvalakṣaṇasampannāṃ aṣṭāvakro mahāmuniḥ
śaṅkarārddha hareḥ puṃsa ubhe saṃsthāpayeddbaśau
bhaktyā sarvvopahāreṇa dvādaśīreṇumaṇḍale
ādyena cakrarājena pūjito madhusūdanaḥ
tutoṣa tasya nṛpatestena bhāgyatvamāpnuyāt
tuṣṭena devadevena varo datto dvijottama
ata ūrddhaṃ bhavān vatsa mama tulyo bhaviṣyati
bhāgyarcadvādaśī tāta ṣaṣṭamyāṃ vā tadarccanaṃ
yāgamaṇḍalapūjārthaṃ harimuddiśya kārayet
ācāryyāya pradātavyaṃ hema go bhū tilādikaṃ
dakṣiṇāṃ vittasāreṇa punāti narakārṇavāt
yugabhāgyaprabhāvena prayacchati phalaṃ hariḥ
yathākāleca cetre ca ekāpi gaṇikā gatā
prayāti śatadhā vṛddhiṃ tathābhāgyayuge dvija