Vratakhanda 114.p2.7

114.p2.7

hariṃ pratīdaṃ vacanaṃ
ghṛtāśano bhavedyastu dvādaśyāṃ tatparāyaṇaḥ
sa svargavāsī bhavatu pumān strī vā viśeṣataḥ
iti vārāhapurāṇoktaṃ harivratam
mārkaṇḍeya uvāca
bhuvane bhāratañcaiva sujātyaḥ sujanastathā
ṛtuḥ sarvvaśca mūrttāśca tejaḥ satyakṣavāḥ sadā
prasavaścāpyayaścaiva dakṣodvādaśakastathā
bhagovā nāma nirddiṣṭā devā dvādaśa yajñiyāḥ
teṣāṃ sampūjanaṃ kuryyāddvādaśyāṃ niyamena tu
gandhamālyānnamaskāradhūpadīpātrasaṃpadāḥ
saṃvatsarāmte dadyācca brāhmaṇāya payasvinīṃ
kṛtvā vrataṃ vatsarametadiṣṭaṃ
prāpnoti teṣāṃ tu salokameva
tatroṣya kālaṃ suciraṃ manuṣyo
rājā bhavedvā dvijapuṅgavo vā
iti viṣṇudharmmoktaṃ bhṛguvratam
mārkaṇḍeya uvāca
manomanastathāprāṇo narojātaśca vīryyavān
vītirhayonaghañcaiva haṃsonārāyaṇastathā
vibhuścāpi prabhuścaiva svādhyā dvādaśa kīrttitāḥ
pūjayecchuklapakṣe tān dvādaśyāṃ mārgaśīrṣataḥ
kṛtvā vrataṃ vatsarametadiṣṭaṃ
prāpnoti teṣāṃ tu sa salokamiva
tatroṣya kālaṃ suciraṃ manuṣyo
rājā bhavedvā dvijapuṅgavo vā
iti viṣṇudharmoktaṃ sādhyavratam
mārkaṇḍeya uvāca
dhātā mitro'ryyamā pūṣā śakro'thavaruṇobhagaḥ
tvaṣṭā vivasvān savitā viṣṇurdvādśa kastathā
pūjayeddvādaśādityān śuklapakṣe upoṣitaḥ
mārgaśīrṣādārabhya dvādaśyāṃ niyatavrataḥ ||'
dattvā vratānte puruṣaḥ suvarṇaṃ
prāpnoti lokān savitu rnnavīra
mānuṣyamāsādya bhavatyarogī
jitendriyaścaiva dhanānvitaśca
iti viṣṇudharmoktaṃ dvādaśādityavrataṃ
pulastya uvāca
pauṣe māsi site pace hādaśyāṃ śakradaivate
nakṣatrayogage viṣṇuṃ prathamaṃ tu samarccayet
tataḥ prabhṛti viprendra māsi māsi janārddanaṃ