Vratakhanda 96.p6.4

96.p6.4

sauvarṇī viṣṇumūrttiñca rukmalakṣmīsamanvitām
śayyāñca tulikāñcaiva saptadhānyasamanvitām
gopradānañca dātavyamanujñānī bhavennaraḥ
brāhmaṇān bhojanaṃ dadyāt ghṛtapūraiḥ saśarkaraiḥ
evaṃ yaḥ kurute pārtha prāpnoti paramaṃ padam
iti bhaviṣyatpurāṇoktamaśūnyaśayanadvitīyāvratam
bhaviṣyottarāt
yudhiṣṭhira uvāca
bhagavan bhavatā proktaṃ dharmmārthādeḥ susādhanam
gārhasthyaṃ tacca bhavati dampatyoḥ priyabhāṣyoḥ
patnīhīnaḥ pumān patnī bhartrā virahitā na ca
dharmmārthakāma saṃsiddhaitra tasmāt tu madhusūdana
tacchroṣye deva deveśa vidhavā strī na jāyate
vratena yena govinda pattrā virahito naraḥ
kṛṣṇa uvāca
aśūnyaśayanāṃ nāma dvitīyāṃ śṛṇu bhārata
yāmupoṣya na vaidhavyaṃ strī prayāti narādhipa
patnīviyuktaśca naro na kadācit prajāyate
śete jagatpatiḥ kṛṣṇaḥ śriyā sārdhaṃ yadā nṛpa
aśūnyaśayanā nāma tadā grāhyā tu sā tithiḥ
upavāsena naktena tathaivāyācite na ca
kṛṣṇapakṣe dvitīyāyāṃ śrāvaṇe māsi bhārata
snānaṃ nadītaḍāge vā gṛhe vā niyatātmavān
sthaṇḍilaṃ caturasrañca mṛnmayaṃ kārayettataḥ
tatrasthaṃ śrīdharaṃ śrīmaṃ bhaktyābhyarcya śriyā saha
naivedyaiḥ puṣpa dhūpāyaiḥ phalaiḥ kālodbhavaiḥ śubhaiḥ
idamuccārayenmantraṃ praṇamya ca jagatpatim
śrīvatsarin śrīkānta śrīvāsa śrīpate'vyaya
gārhasthyamāpraṇāśaṃ me yātu dharmārthakāmadam
śucayo māpraṇaśyantu mā praṇaśyantu nirjarāḥ
yāmyagā mā praṇaśyantu matto dāmpatyabhedataḥ
lakṣmyā viyujyate deva na kadācidyathā bhavān
tathā kalatrasambandho deva mā me viyujyatām
lakṣmā na śūnyaṃ varada yathā te śayanaṃ sadā