Kurmapurana (Ananta Gokhale) 10.p10
Kūrmapurāṇa (Ananta Gokhale) 10.p10
- Language
- Sanskrit
10.p10
nanāma śirasā devaṃ yogināṃ hṛdayeśayam || stutvā nārāyaṇaṃ stotraiḥ ṛgyajuḥsāmasambhavaiḥ | nivārya pitaraṃ bhrātṛn hiraṇyākṣaṃ tadābravīt || ayaṃ nārāyaṇo'nantaḥ śāśvato bhagavānajaḥ | purāṇaḥ puruṣo devo mahāyogī jaganmayaḥ || ayaṃ dhātā vidhātā ca svayaṃjyotirnirañjanaḥ | pradhānaṃ puruṣaṃ tattvaṃ mūlaprakṛtiravyayā† || īśvaraḥ sarvvabhūtānā‡mantaryāmī guṇātigaḥ | gacchadhvamenaṃ śaraṇaṃ viṣṇumavyaktamavyayam || evamukto§ sudurbuddhirhiraṇyakaśipuḥ svayam | provāca putramatyarthaṃ mohito viṣṇumāyayā || ayaṃ sarvvātmanā vadhyo nṛsiṃho'lpaparākramaḥ | samāgato'smadbhavanamidānīṃ kālacoditaḥ || vihasya pitaraṃ putro vacaḥ prāha mahāmatiḥ | mā nindasvainamīśānaṃ¶ bhūtānāmekamavyayam || kathaṃ devo mahādevaḥ śāśvataḥ kālavarjitaḥ | kālena hanyate viṣṇuḥ kālātmā kālarūpadhṛk
Linked texts (3)
- Kūrmapurāṇa — Ativīrarāma Pāṇṭiyar, Sanskrit
- Brāhmī Saṃhitā — Sanskrit
- Brahmisamhita (gurumandalseries1962) — Sanskrit