Kurmapurana (Ananta Gokhale) 10.p9
Kūrmapurāṇa (Ananta Gokhale) 10.p9
- Language
- Sanskrit
10.p9
nṛsiṃhavapuravyakto hiraṇyakaśipoḥ pure | āvirbabhūva sahasā mohayandaityadānavān || daṃṣṭrākarālo yogātmā yugāntadahanopamaḥ || samāruhyātmanaḥ śaktiṃ sarvasaṃhārakārikām | bhāti nārāyaṇo'nanto yathā madhyandine raviḥ || dṛṣṭvā† nṛsiṃhaṃ puruṣaṃ prahlādaṃ jyeṣṭhaputrakam | vadhāya prerayāmāsa narasiṃhasya so'suraḥ || imaṃ nṛsiṃhaṃ puruṣaṃ pūrvasmādūnaśaktikam‡ | sahaiva te'nujaiḥ sarvairnāśayāśu mayeritaḥ || sa tanniyogādasraḥ prahlādoviṣṇumavyayam | yuyudhe sarvayatnena narasiṃhena nirjjitaḥ || tataḥ saṃmohito daityo hiraṇyākṣastadānujaḥ | dhyātvā paśupaterastraṃ sasarja ca nanāda ca || tasya devādhidevasya viṣṇoramitatejasaḥ | na hānimakarodastvaṃ yathā devasya śūlinaḥ || dṛṣṭvā parāhataṃ tvastraṃ prahlādo bhāgyagauravāt | mene sarvvātmakaṃ devaṃ vāsudevaṃ sanātanam || santyajya sarvvaśastrāṇi sattvayuktena cetasā
Linked texts (3)
- Kūrmapurāṇa — Ativīrarāma Pāṇṭiyar, Sanskrit
- Brāhmī Saṃhitā — Sanskrit
- Brahmisamhita (gurumandalseries1962) — Sanskrit