Navamaskandha 3.69

3.69

ye dārāgāraputrāptānprāṇānvittamimaṃ param
hitvā māṃ śaraṇaṃ yātāḥ kathaṃ tāṃstyaktumutsahe65
mayi nirbaddhahṛdayāḥ sādhavaḥ samadarśanāḥ
vaśīkurvanti māṃ bhaktyā satstriyaḥ satpatiṃ yathā
matsevayā pratītaṃ ca sālokyādicatuṣṭayam
necchanti sevayā pūrṇāḥ kuto'nyatkālavidrutam
sādhavo hṛdayaṃ mahyaṃ sādhūnāṃ hṛdayaṃ tvaham
madanyatte na jānanti nāhaṃ tebhyo manāgapi 68
upāyaṃ kathayiṣyāmi tava vipra śṛṇuṣva tat
ayaṃ hyātmābhicāraste yatastaṃ yātu vai bhavān
sādhuṣu prahitaṃ tejaḥ prahartuḥ kurute'śivam