Prahladacaritra 86

Prahlādacaritra 86

Language: Sanskrit

86

śrīparāśara uvāca
ityuktāstena te kruddhā daityarājapurohitāḥ .
kṛtyāmutpādayāmāsurjvālāmālojjvalākṛtim ..
atibhīmā samāgamya pādanyāsakṣatakṣitiḥ .
śūlena sādhu saṅkruddhā taṃ jaghānāśu vakṣasi ..
tattasya hṛdayaṃ prāpya śūlaṃ bālasya dīptimat .
jagāma khaṇḍitaṃ bhūmau tatrāpi śataghā gatam ..
yatrānapāyī bhagavān hṛdyāste harirīśvaraḥ .
bhaṅgo bhavati vajrasya tatra śūlasya kā kathā ..
apāpe tatra pāpaiśca pātitā daityayājakaiḥ .
tāneva sā jaghānāśu kṛtyā nāśaṃ jagāma ca ..
kṛtyayā dahyamānāṃstānvilokya sa mahāmatiḥ .
trāhi kṛṣṇetyananteti vadannabhyavapadyata ..

Previous: 85
Next: 87

Linked texts (2)

Viṣṇupurāṇa (critical edition) — Sanskrit
Ahobalamāhatmya — Sanskrit